Diamanti

Qallunaatut atia: Diamant
Tuluttut atia: Diamond
Mineralitut suussusia: Grundstofferi

Diamantiviit kissami naqitsinermilu sakkortuuni pilersinneqartarput. Nunarsuup qaavata ataani 140-190-km-isut itissusilinni pinngortarput. Diamantit kingusinnerusukkut qaqqat innermik anitsinerisigut qaffatsinneqartarput. Magma nillarsarneqaraangat pilersarput kimberlitter aamma lamproitter, diamantinik akoqarsinnaasut. Diamantit tassaapput pinngoqqaat Carbon (C), grafittitut imaluunniit trækulitut! Diamantiviit pilersinneqartarput ukiut 1-3 milliardit ingerlaneranni.

Ilisarnaatai
Diamantit qalipaateqanngillat, annikitsunilli “minguttaqaraangamik” qinngorniisaqartarlutik. Diamanti tassaavoq pinngortitami atortussiani manngernersatut ilisimaneqartoq.

Atorneqarnera
Diamantit pinnersaatini ujaqqatut erlinnartutut atorneqartarput, manngissusertillu pissutigalugu sakkuni agguutini silisissutiniluunniit atorneqartarlutik.

Foto: Bjarne Ljungdahl
Paasissutissat
  • Sorlernut ilaava: Pinnersaasiassanut
  • Manngissusia: 10
  • Tangertussusia: 3,5
  • Kemiimi formelia: C
  • Qalipaataa: Qalipaateqanngitsoq
  • Kigarlugu qalipaataa: Qaqortoq
  • Qillarissusia: Diamant aamma igalaaminertut orsupalittutut
Nalunngiliuk?
Kalaallit Nunaanni diamantinik mikisuaqqanik nassaartoqartarpoq. Ilisimaneqarnerpaat Sisimiut Maniitsullu eqqaanneersuupput. Kimberliteqarfiit eqqaanni diamantisiortoqarsinnaavoq, nunngarutini kimberliteqarfinni imaluunniit qaqqat kimberlitillit ataanni kinnganikut ujarlerfigalugit.