Grafitti

Qallunaatut atia: Grafit
Tuluttut atia: Graphite
Mineralitut suussusia: Grundstofferi

Grafitti ilaatigut pilersinneqartarpoq magmamik nunngarutit kissartorujussuit aamarsuaqarfiit aqqusaaraangatigit. Grafittip annersaa pilersinneqartarpoq ilaatigut uumassusilinnit (aamarsuarnit) ujaqqaniittunit, allanngorsimasunit.

Ilisarnaatai
Grafitti ilisimaneqarpoq tattaasanik krystalilittut. Qernertumik sølvitungajak qalipaateqarpoq. Mineraliuvoq aqitsuararsuaq, attorlugu assaat pappiaraluunniit qernertunngortittarlugu. Kigarlugu qalipaataa qasertoq qernertuuvoq.

Atorneqarnera
Grafitti atorneqartarpoq aqerluusanut. Taaguutaa grækerineersuuvoq isumalik "allanneq". Kissarujussuarsinnaagami maskiinanut motoorinullu tarnutitut aamma atorneqartarpoq. Grafitti kulfiberilinni sorpassuarnut aamma atorneqartarpoq, sisorarnermut ajaappianut, badmintonketcherinut, qissattaatinut timmisartunullu malersuutinut.

Foto: Bjarne Ljungdahl
Paasissutissat
  • Sorlernut ilaava: Aatsitassanik pilersitsisartunut
  • Manngissusia: 1
  • Tangertussusia: 2,2
  • Kemiimi formelia: C
  • Qalipaataa: Sisattut qasertoq aamma saviminertut qernertoq
  • Kigarlugu qalipaataa: Qernertoq qaserujuttoq
  • Qillarissusia: Saffiugassatut qillertoq
Nalunngiliuk?
Grafitti diamantitulli pinngoqqaammit carbonimit (C) sananeqaateqarpoq. Mineraliuvoq aqitsuararsuaq, akerlianik diamantit mineralinit manngernerpaatut ilisimaneqartut. Diamantit Nunarsuup qaavaniittut tamarmik arriitsumik (arriitsuararsuarmik) grafittinngoriartortarput.