Kuulti

Qallunaatut atia: Guld
Tuluttut atia: Gold
Mineralitut suussusia: Grundstofferi

Kuulti mineraliuvoq qaqutigoortoq. Aqitsuuvoq kissami sakkortunngitsumi aatsinneqarsinnaasoq, allanngujuitsuugamili syrit sakkortoorujussuilluunniit allannguutigisinnaanngilai. Kuulti qillerunnaarneq ajorpoq. Taamaattumik saffiugassaavoq nalilerujussuaq. Itsarsuarli pinnersaasiarineqartarsimavoq.

Ilisarnaatai
Kuulti sungaartoq qillertuuvoq, oqimaatsoq ilusilersoruminartoq; pyritimit imaluunniit chalcopyritimit , qallunaatut "snyde guld"-imik taaneqartartumiit immikkoortikkuminartoq.

Atorneqarnera
Kuulti qanga aningaasaliornermi pingaaruteqarsimavoq. Pinnersaasiornermi pigissaartuunermullu takussutissatut pingaaruteqarpoq. Suliffissuarni elektronikkimut atorneqartarpoq, innaallagissamik aqqutigiuminartuugami. Kigutit putui aamma kuultimik ilaarneqarsinnaapput.