Fluorit

Qallunaatut atia: Fluorit
Tuluttut atia: Fluorite
Mineralitut suussusia: Halogeniderit

Fluorit aamma taaneqartarpoq flusspat. Fluoriliornermi fluoritalinnillu sananermi mineraliuvoq pingaarutilik. Akugai calciumfluorid (CaF2) nunarsuarmi sumiiffippassuarni nassaassaalluni, soorlu Canadami Newfoundlandimi annertoorsuulluni. Kalaallit Nunaanni Ivittuuni orsugiaqarfimmi aamma akuuvoq.

Ilisarnaatai
Fluorit krystalerujussuaqartarpoq, assigiinngitsunik qalipaatilinnik, soorlu “Blue John”, Tuluit Nunaanni Derbyshiremi. Qalipaateqarsinnaavoq tungujortumik, tunguusamik, qorsummik, orangiamik pinkimilluunniit. Fluoritit amerlasuut qaamanermi ultravioletsimi qillertuusarput – tamakku taaneqartarput fluorescens.

Atorneqarnera
Fluorit sisaliornermi aluminiumimillu aatsitsinermi aatsitsissutitut (flus-middel) atorneqartarpoq. Fluoritip krystalii ajoquteqanngitsut mikroskopini teleskopinilu linsetut atorneqartarput. Kemiimik akulinnik sananermi fluoriliuutigineqartarpoq.

Foto: Bjarne Ljungdahl
Paasissutissat
  • Sorlernut ilaava: Ujaqqanik pilersitsisartunut
  • Manngissusia: 4
  • Tangertussusia: 3,2
  • Kemiimi formelia: CaF2
  • Qalipaataa: tunguusaq, tungujortoq, qernertoq, kajortoq, sungaartoq, qorsuk, orange aamma rosa
  • Kigarlugu qalipaataa: qaqortoq
  • Qillarissusia: igalaaminertut qillertoq
Nalunngiliuk?
Fluor qillertunik assigiinngitsorpassuarnik qalipaateqarami taaneqartarpoq “silarsuarmi mineralit qalipaateqarnersaat”.