Malakit

Qallunaatut atia: Malakit
Tuluttut atia: Malachite
Mineralitut suussusia: Karbonatit

Malakit karbonatiuvoq ujaraannaviusoq, aammali krystalitut nassaarineqarsinnaasoq. Malakit ilisimaneqarnerpaat ilaat nassaassaapput Ural-bjergini, Namibiami aammalu USA-mi Arizonami. Malakit nassaassaagajuppoq kanngussaat qalipaattut manngertutut aammalu kusugaasatut.

Ilisarnaatai
Malakit annertuujulluni qorsunnik nimeruaartortaqarpoq. Krystalii qorsuk taartuupput. Malakit karbonatiugami syremi puaasartarpoq. Malakit manngertuunngilaq (Mohs skalami 3,5-4-voq).

Atorneqarnera
Malakit kanngussammik (Cu) piuffiusarpoq pingaaruteqartoq. Nalitoorsuunngikkaluarluni pinnersaasiarineqartarlunilu assigiinngitsunut pinnersaatigineqartarpoq. Sequtseqqissaarlugu qalipaatit ilaannut qorsunngorsaatitut akuliunneqartarpoq.

Foto: Bjarne Ljungdahl
Paasissutissat
  • Sorlernut ilaava: Pinnersaasiassanut
  • Manngissusia: 3,5-4
  • Tangertussusia: 3,8
  • Kemiimi formelia: Cu2Ca3(OH2)
  • Qalipaataa: Qorsuk
  • Kigarlugu qalipaataa: Qorsuk qaamasoq
  • Qillarissusia: Diamantitut qillertoq, igalaaminertut qillertoq, siilikitut qillertoq aamma qillinngitsoq.
Nalunngiliuk?
Itsarsuaq malakit sequtserlugu pinnersaatigineqartarpoq. Kingusinnerusukkut qalipaatinut akuliunneqartalerpoq. Malakit mikisunngorlugu qiperorneqartarpoq.