Siderit

Qallunaatut atia: Siderit
Tuluttut atia: Siderite
Mineralitut suussusia: Karbonatit

Sideritip taaguutigaa grækerit oqaasiat sideros, isumaqartoq savimineq (Fe). Sideritip akua savimineq 48% missaaniippoq. Siderit silarsuarmi minerali nalinginnaasuuvoq. Siumugassaaneruvoq kinnganikuni marrartut imaluunniit ujaqqani allanngorsimasuni (metamorfe) kinnganikunngornikuni.

Ilisarnaatai
Siderit saviup kajungerisaqalersarpoq kissanneqaraangami. Syreni sakkortuuni kissartuniluunniit ikineqaraangami puaasalaartarpoq. Qalipaateqarsinnaavoq qasertumik, sungaartoq kajuartumik, qorsuk kajuartumik kajortumilluunniit. Sideritip krystalii nassaariuminaassinnaapput.

Atorneqarnera
Siderit atorneqartarpoq saviminissatut, soqutaavallaaranili. Krystalii ujaqqanik katersugaatinut ilaagajupput.

Foto: Bjarne Ljungdahl
Paasissutissat
  • Sorlernut ilaava: Aatsitassanik pilersitsisartunut
  • Manngissusia: 4
  • Tangertussusia: 4
  • Kemiimi formelia: FeCO3
  • Qalipaataa: Sungaartumiit kajortoq taartumut qasertumullu
  • Kigarlugu qalipaataa: Qaqortoq
  • Qillarissusia: Igalaaminertut qillertoq aamma siilikitut qillertoq
Nalunngiliuk?
Siderit Ivittuuni orsugiaqarfimmi mineraliuvoq nalinginnaasorujussuaq.