Arsenopyrit

Qallunaatut atia: Arsenopyrit
Tuluttut atia: Arsenopyrite
Mineralitut suussusia: Sulfiderit

Arsenopyrit arsenik-mineraliuvoq nalinginnaanerpaaq, arsenikimik annertunerpaamik pissarsiviusartut ilaat. Kissassuseq kuultip (Au) pinngorfigisartagaata assinga atorlugu Arsenopyrit pinngortarpoq, taamaattumillu minerali taanna kuulteqarfiusumik nassaarnissamut tikkuussisuusinnaalluni.

Ilisarnaatai
Arsenopyrit qaqortuniit qasertunut akuttoqatigiinnik krystaleqartarpoq. Arsenopyrit kaallugu tipimik hvidløgisunningajattumik tipeqartarpoq, akua arsen pissutaalluni. Krystalii assigiit marlukkuutaartarput. Sulfid-mineralinit allaniit ilisarnaatigaa kanngussattut (messing) imaluunniit sølvitungajak qillertuugami.

Atorneqarnera
Arsenopyrit arsenikiliornermi atortuuvoq, guultimik nassaarsiornermi aamma tikkuussisuusinnaalluni.

Foto: Bjarne Ljungdahl
Paasissutissat
  • Sorlernut ilaava: Aatsitassanik pilersitsisartunut
  • Manngissusia: 5,5-6
  • Tangertussusia: 6,1
  • Kemiimi formelia: FeAsS
  • Qalipaataa: Tinitut qaqortumiit saviminertut qasertoq
  • Kigarlugu qalipaataa: Qasertoq taartumiit qernertumut
  • Qillarissusia: Saffiugassiassatut qillertoq
Nalunngiliuk?
Arsenikiliarineqartartup annersaa mineralinik allanik piiaanermi ilanngullugu pissarsiarineqartarpoq. Piiaanermi arsenikip aalai katersorneqartarput. Arsenik toqunartorujussuuvoq. Arsenoxid As2O3 qajuusaasaavoq qaqortoq mamassuseqanngitsoq, qanga teriarsuarnut toqunartutut atorneqartartoq. Arsenik itsarsuaq inuarnermi atorneqartarsimavoq nerisassanut akuliullugu.