Bornit

Qallunaatut atia: Bornit
Tuluttut atia: Bornite
Mineralitut suussusia: Sulfiderit

Bornit aamma ilisimaneqarpoq påfuglemalmitut imaluunniit påfuglekobberitut. Ujaqqani basiskiusuni tassaavoq kobbersulfid.

Ilisarnaatai
Bornit saffiugassatut tunguusaq taartutut qillertuuvoq, kaavitinneqaraangami qalipaataa allanngortarluni qorsummut, tungujortumut aappaluttumulluunniit. Qalipaatit taakku paavuup angutivissap papiisa qalipaataattut ittuupput. Bornitimineq aseroraangat aseqquata qaava bronzetut qalipaateqartarpoq. Bornit kobberkarbonatinngorsinnaasarpoq, pingaartumik malakitinngorluni, qalipaataa qorsooqqissuugami imaaliinnarlugu takuneqarsinnaalluni. Qaqutiguinnaq bornit-krystalinik aseqqoqanngitsunik nassaartoqartarpoq.

Atorneqarnera
Bornit saviminissaavoq pingaarutilik kanngussammik akulik. Kalaallit Nunaata kujataani bornitimik annertunngitsumik piiaasoqarsimavoq, piiaanerli pingaaruteqarpallaarsimanani.

Foto: Bjarne Ljungdahl
Paasissutissat
  • Sorlernut ilaava: Aatsitassanik pilersitsisartunut
  • Manngissusia: 3
  • Tangertussusia: 5,1
  • Kemiimi formelia: Cu5FeS4
  • Qalipaataa: Saviminertut kajortoq
  • Kigarlugu qalipaataa: Qasertoq qernaluttoq
  • Qillarissusia: saffiugassatut qillertoq
Nalunngiliuk?
Bornitit aseqquini nutaani qaamaneq utertinneqartoq neriusaatut qalipaateqartarpoq, soorlu uulia erngup qaavani alanngialasartoq. Silaannaalli akua ilt (oxygen) mineralimut akuliutilertortarmat qillernera peerutiaartarpoq.