Chalcopyrit

Qallunaatut atia: Chalcopyrit
Tuluttut atia: Chalcopyrite
Mineralitut suussusia: Sulfiderit

Chalcopyrit kobbersulfidiuvoq silarsuarmi sumiiffippassuarni annertoorsuulluni nassaassaasoq, soorlu Chilemi, Perumi, Europami Sydafrikamilu, kanngussammik nioqqutissiornermi atorneqartarluni.

Ilisarnaatai
Chalcopyrit kuultitungajak qalipaateqarpoq. Krystaleqarajuttarpoq, kiviorarnikunili tiggunnikuniluunniit maniilakulannertut nassaarineqarnerusarluni. Ujaqqat eqqaaniittut qorsorpaluttumik tungujuartumik kanngussaap manngertornerneratut qalipaateqarajupput.

Atorneqarnera
Chalcopyrit kanngussaliornermut pingaaruteqarpoq. Kanngussak Chalcopyritimiit pissarsiarineqartartoq saviminissanit kanngussattalinnit annikinnerusarpoq, silarsuarmili sumi tamani pissarsiarineqartartut annertoorsuusarmata kanngussaliornermi pingaaruteqarpoq. Chalcopyrit sulfidenut allanut ilanngullugu nassaarineqarpat, soorlu galenamut, pyritimut sphaleritimulluunniit aatsitassatut nalinga allanik akoqanngitsuniit annertunerujussuusarpoq.

Foto: Bjarne Ljungdahl
Paasissutissat
  • Sorlernut ilaava: Aatsitassanik pilersitsisartunut
  • Manngissusia: 3,5-4
  • Tangertussusia: 4,2
  • Kemiimi formelia: CuFeS2
  • Qalipaataa: Kanngussattut sungaartoq
  • Kigarlugu qalipaataa: Qernertoq qorsorpaluttoq
  • Qillarissusia: Saviminertut qillissusilik
Nalunngiliuk?
Chalcopyrit mineraliuvoq taaneqartartoq “kuultiusaq”, kuultimut assingoqigami. Chalcopyrit savimmik kigarlugu guultitut qalipaataa ersarippoq. Kuultivilli taarnerusumik sungaartuuvoq aqinnerullunilu.