Galena (Galenit)

Qallunaatut atia: Galena (Galenit)
Tuluttut atia: Galena
Mineralitut suussusia: Sulfiderit

Galena aamma taaneqartartoq blyglans, aqerlumik (Pb) akoqarnerpaavoq. Galena silarsuarmi sumiiffippassuarni kiviorarnikorpassuarniittarpoq. Kalaallit Nunaanni siornatigut (1973-90) Maarmorilimmi aqerlussamik, zinkimik sølvemillu piiaasoqarpoq. Aatsitassanik taakkunannga piiaanermi mineralit galena aamma sphalerit ilanngullugit piiarneqarlutik. Taakkunannga piiaaneq aallarteqqinneqarpoq.

Ilisarnaatai
Galenap krystalii terningitut iluseqarput. Galena sølvitut qasertuuvoq saffiugassatut qillertuulluni. Minerali oqimaatsuugami pissutsimigut ilisariuminartuuvoq.

Atorneqarnera
Galena aqerlumik piiaanermi atugassatut suliarineqartarpoq, aamma akugai sølv (Ag) ilaatigut 1% tikivillugu. Aqerloq atorneqartarpoq batteriinut, aallaasit imassaannut, qinngornernut illersuutinut aammalu kemiimik akulinnik nioqqutissiornermut. Aqerloq toqunartuugami nioqqutissiornermi atorneqarpiarunnaarsimavoq.

Foto: Bjarne Ljungdahl
Paasissutissat
  • Sorlernut ilaava: Aatsitassanik pilersitsisartunut
  • Manngissusia: 2,5
  • Tangertussusia: 7,6
  • Kemiimi formelia: PbS
  • Qalipaataa: Aqerlutut qasertoq qillertoq
  • Kigarlugu qalipaataa: Aqerlutut qasertoq
  • Qillarissusia: Saffiugassatut qillissusilik
Nalunngiliuk?
Ruumamiut aqerloq erngup aqqutaanik sulluliornermi atortarsimavaat. Ukiuni akullerni marrarnut qalliutitut (sikassaatitut) atorneqartarmat inuppassuit aqerlumik toqunartunillutik napparlutik toqusarsimapput.