Qallunaatut atia: Molybdenit
Tuluttut atia: Molybdenite
Mineralitut suussusia: Sulfiderit

Molybdenit mineraliuvoq saffiugassamik molybdænimik 60% missaanik akulik. Molybdenit molybdæniliornermi saffiugassat pingaarnersaraat.

Ilisarnaatai
Molybdenit sølvitut qasertuuvoq tungujuaarnersalik. Krystalii arfinilinnik teqeqqoqarput, qaleriiaartuunerusarlutilli. Attorlugu aqitsuuvoq orsupaliisalluni, soorlu grafittitut, mineralilli taakku marluk imminniit immikkoortinneqarsinnaapput molybdenit kigarneqaraangami tungujuaarnersaqarlunilu qorsorpalunnersaqarmat.

Atorneqarnera
Molybdæn molybdenitimit piiarneqartarpoq. Sisaliornermi akuliullugu pingaaruteqarpoq sisak manngernerulersittaramiuk. Sakkuliornermi atorneqartarpoq. Molybdæn aamma punnerusaatut atorneqartarpoq punnerusaamit nalinginnaasumiit kissassinnaanerusunik pisariaqartitsisoqartillugu.

Foto: Bjarne Ljungdahl
Paasissutissat
  • Sorlernut ilaava: Aatsitassanik pilersitsisartunut
  • Manngissusia: 1-1,5
  • Tangertussusia: 4,7
  • Kemiimi formelia: MoS2
  • Qalipaataa: Qasertoq, sungaartoq asingasumiit kajortoq taartoq aappalungusersumut
  • Kigarlugu qalipaataa: Qasertoq qorsorpaluttoq
  • Qillarissusia: Saffiugassatut qillertoq
Nalunngiliuk?
Tunup qeqqani Malmbjergimik taaneqartartoq silarsuarmiu molybdeniteqarfiit annersaasa ilagaat. Taanna qaqqarujussuuvoq serminik iigartartunik avatangiisilik. Malmbjergi arlaleriarlugu misissuiffigineqartarsimavoq piiaasoqarsinnaanera eqqarsaatigalugu, sulili piviusunngortinneqanngitsumik.