Pyrit (Svovlkis)

Qallunaatut atia: Pyrit (Svovlkis)
Tuluttut atia: Pyrite
Mineralitut suussusia: Sulfiderit

Pyrit nunarsuup qalipaani sulfid-mineralit nalinginnaanersaraat. Avatangiisini assigiinngitsorpassuarniikkami assigiinngitsunik iluseqartiterpoq.

Ilisarnaatai
Pyrit mineraliuvoq saffiugassatut sungaartoq qillertoq. Krystaleqarpoq assigiinngitsunik angissusilinnik. Pyrit qallunaatut taaneqarajuttarpoq "falske guld" imaluunniit "narreguld" isikkuni kuultimut paarlaanneqarsinnaasoq pissutigalugu. Aajasuugami okkeritut qalipaatilinnik ujaraaranngortarpoq, ilaatigut angisoortaqarsinnaasunik.

Atorneqarnera
Pyrit svovlimik (S) akoqarami siornatigut svovlsyreliassatut piiarneqartarpoq. Ullumikkulli svovlbrintemit, naturgassip akuanit svovl piiarneqartarpoq. Pyrit pinnersaasiarineqartarpoq taaguuteqarluni "markasit".

Foto: Bjarne Ljungdahl
Paasissutissat
  • Sorlernut ilaava: Aatsitassanik pilersitsisartunut
  • Manngissusia: 6-6,5
  • Tangertussusia: 5
  • Kemiimi formelia: FeS2
  • Qalipaataa: Kanngussattut sungaartoq
  • Kigarlugu qalipaataa: Qorsuk taartoq
  • Qillarissusia: Saffiugassatut qillertoq
Nalunngiliuk?
Pyrit saviminissamik akulerujussuuvoq, saviminissatulli atorneqarsimanani. Tamatumunnga pissutaavoq pyrit nalinginnaagaluaqaluni kinnganikuni imatorsuaq nassaassaannginnami. Pyrit qallunaatut taaneqartarpoq svovlkis, sunik sunnerneqareernermigut svovlisunnittarami.