Pyrrhotit

Qallunaatut atia: Pyrrhotit
Tuluttut atia: Pyrrhotite
Mineralitut suussusia: Sulfiderit

Pyrrhotit jernsulfid-mineraliuvoq, saviminissartaata svovlitaatalu akui assigiinngiiaarsinnaallutik. Minerali silarsuarmi tamarmi qaqqani innermik anitsisartuusimasuni takussutissartaqartarpoq.

Ilisarnaatai
Pyrrhotitip ilisarnaatiginerpaavaa nutaamik aserorneqaraangami qalipaatini bronzitut sungaartoq. Mineralinilli sulfidiusunit allanit qalipaataa bronzitut kajortoq taarneruvoq. Saviup kajungerisartaqalaarpoq. Krystalitut imaluunniit tiggunnikutut aseqqoqanngitsutut isikkoqarpoq. Pyrrhotit nassaariniaraanni imaluunniit taamaaqqataannik jernsulfidinik nassaarniaraanni qaqqani manngertornertut isikkulinni ujaasisariaqarpoq.

Atorneqarnera
Pyrrhotit saviminissaliornermi atorneqarsinnaagaluarluni saviminissatut piiarneqarajunngilaq. Pingaartumik piiarneqartarpoq nikkel-sulfidertaqaraangami. Minerali qaqqani nikkeleqarneranut (Ni) ilisarnaataalluarpoq.

Foto: Bjarne Ljungdahl
Paasissutissat
  • Sorlernut ilaava: Aatsitassanik pilersitsisartunut
  • Manngissusia: 4
  • Tangertussusia: 4,6
  • Kemiimi formelia: FeS
  • Qalipaataa: Bronze, bronze aappaluttoq aamma kajortoq taartoq
  • Kigarlugu qalipaataa: Qasertoq taartoq
  • Qillarissusia: ?
Nalunngiliuk?
Pyrrhotimut ilanngullugu nassaassaagajuppoq pentlandit, tassaasoq nikkelimik (Ni) pissarsiviusartut pingaarnersaat. Pyrrhotit qallunaatut taaneqartarpoq magnetkis, tassa saviup kajungerisartaqalaarnini pissutigalugu.