Issuatsiaat najungaartut

Qallunaatut atia: Tyk filtmos
Latiinerisut atia: Aulacomnium turgidum
Tuluttut atia: Swollen Thread-moss
Gruppi: Issuatsiaanut orsuaasanullu
Naasoqatai: Bladmosser
Ordeni: Bryales
Ilaqutai: Aulacomniaceae

Issuatsiaat najungaartut sivinganerni alanngumiittuni avaalaqiaqarfinnilu nalinginnaasuupput. Pinguttanngorlutik eqimattakkuutaarlutik naasarput isugutasumi ipeqqat akornanniikkajullutik.

Ilisarnaatai
Issuatsiaat najungaartut issuatsiaapput torsusuut kanaartaat avalequteqanngitsut ilannikut. Naarlaat kanaartaaniit qaamanerupput. Pilutaat qitermikkut silittumik quassugaasaqarput nuui tikingajallugit. Kanaartaat meqquluaasaqarput panertoornissamut illersuutaallutik.

Issuatsiaat qasersut

Qallunaatut atia: Stor gråmos
Latiinerisut atia: Racomitrium lanuginosum
Tuluttut atia: Woolly Moss
Sorlernut ilaava: Issuatsiaanut orsuaasanullu
Issuatsiaaqatai: Bladmosser
Ordeni: Grimmiales
Ilaqutai: Grimmiaceae

Issuatsiaat qasersut naasarput qatsissumi paarnaqutaannalinnilu qasertumik qorsorpaluttumik qalipaatillit eqimattakkuutaarlutik. Amerlasuutigut ujarasussuit qallersimasarpaat. Issuatsiaat qasersut panersinnaasorujussuupput.

Ilisarnaatai
Issuatsiaat pinguttannguussimasut qaavi meqqulinnut ilannikunut eqqaanarput. Pilutaasa nuui qaqortumik ujalussiaasaqarput ilannikutut isikkunitsitsisunik. Ujalussiaasaat naasumut illersuutaasut sila panernartillugu erseqqissuupput.

Issuatsiaat qunersut

Qallunaatut atia: Fjeld jomfruehår
Latiinerisut atia: Polytrichum alpinum
Tuluttut atia: Alpine Haircap
Sorlernut ilaava: Issuatsiaanut orsuaasanullu
Issuatsiaaqatai: Polytrichopsida
Ordeni: Polytrichales
Ilaqutai: Polytrichaceae

Issuatsiaat qunersut pingaartumik nalinginnaapput paarnaqutaannalinni orpigaqarfinnilu isugutasuni aammalu apusineqarfinni. Issuatsiaat allat akornanni naagajupput. Angutiviartaqarlutillu arnaviartaqarput. Arnavissaniittarput inerittussaasiviit ersarissut.

Ilisarnaatai
Issuatsiaat qunersut torsusuujupput, inerittussaasivii amitsuaqqanik kanaartallit tannerullutik. Inerittussaasivii meqquluaasalinnik nasaasaqarput.

Orsuaasat ermusingasut

Qallunaatut atia: Sprukken bægerlav
Latiinerisut atia: Cladonia borealis Stenroos
Tuluttut atia: Cup Lichen
Orsuaasaqatai: Issuatsiaat orsuaasallu
Sorlernut ilaava: Skivelavsvampe
Ordeni: Skivelav-ordenen
Ilaqutai: Cladoniaceae

Orsuaasat ermusingasut Kalaallit Nunaanni tamarmi naasarput, avannarpiaanili qaqutigoortuullutik.

Ilisarnaatai
Kanaartaqaratillu pilutaqanngillat, ataatsikkut quajaatikkut pupikkullu pissuseqatigalugit, pupikkutut pissuseqataa qulloortunik tattaasanittarpoq. Inerittui ermusingasut 4 cm-it tikillugit takissuseqartarput, ermusiusaatalu sinaatigut arlalinnik kanaartaaraqartarlutik mikisunik taappaluttunik inerittoqarlutik.

Orsuaasat ilingasut

Qallunaatut atia: Brun kruslav
Latiinerisut atia: Cetraria hepatizon
Tuluttut atia: Brown Cetraria
Sorlernut ilaava: Issuatsiaanut orsuaasanullu
Orsuaasaqatai: Skivelavsvampe
Ordeni: Skivelavordenen
Ilaqutai: Parmaliaceae

Ilisarnaatai
Orsuaasat ilingasut kajortunik kajortut qernaluttunilluunniit qillertunik pilutaqarput ataatungimikkut iloqqasunik. Inerittussai pilutaasa qeqqanni qullunneriniipput.

Orsuaasat koraalingasut

Qallunaatut atia: Korallav
Latiinerisut atia: Stereocaulon arenarium
Tuluttut atia: Coral Lichen
Sorlernut ilaava: Issuatsiaanut orsuaasanullu
Orsuaasaqatai: Skivelavsvampe
Ordeni: Skivelavordenen
Ilaqutai: Skivelavfamilien

Orsuaasat koraalingasut naasarput Kitaani tamarmiusumi avaalaqiaqarfinni ujaraaralinni imaluunniit sivinganerni, Tunumili qaqutigoornerullutik. Naaffimminni ammallorissup affaatut eqimattaagajupput.

Ilisarnaatai
Piluttamik nuuisigut orpiup qalipaanut eqqaanartunik qaserujuttunik unnguusaqarput 3-4 cm-isut takitigilersinnaasunik avissaangalaartunik. Orsuaasat koraalingasut ilaat qummut naasartunik avissaartitertunik pilutanittarput.

Qaarsup qalipaa iluliumaartoq

Qallunaatut atia: Krum skållav
Latiinerisut atia: Parmelia incurva
Tuluttut atia: Finger Ring Lichen
Sorlernut ilaava: Issuatsiaanut orsuaasanullu
Orsuaasaqatai: Skivelavsvampe
Ordeni: Skivelav-ordenen
Ilaqutai: Skivelavfamilien

Qaarsup qalipaa iluliumaartoq naasarpoq qaarsuni ujaqqanilu Kitaani avannamut Qaanaaq tikillugu, Tunumi avannamut Ittoqqortoormiit tikillugit naasartutut ilisimaneqarpoq.

Ilisarnaatai
Qaarsup qalipaa iluliumaartoq pilutaqarpoq sungaartunik qaserujuttunik imaluunniit qorsunnik sungarpaluttunik, ataatungimigut mikisunik iloqqasunik. Pilutai qaarajuartuupput qaatungimikkut ammalortunik kingunissiuuteqarlutik.

Qaarsup qalipaa ivisaartoq

Qallunaatut atia: Fjeld væggelav
Latiinerisut atia: Xanthoria elegans
Tuluttut atia: Elegant Sunburst Lichen
Sorlernut ilaava: Issuatsiaanut orsuaasanullu
Orsuaasaqatai: Peltigerales
Ordeni: Teloschistales
Ilaqutai: Teloschistaceae

Qaarsup qalipaa ivisaartoq Kalaallit Nunaanni tamarmi naasarpoq – aamma avannarpiaani. Qaarsup qalipaa ivisaartoq innani timmissat ineqarfiini naagajuttarpoq, aammali allani inuussutissaqarluartuni naasarluni, soorlu saanikuni tamaaniinnarmiittuni.

Ilisarnaatai
Qaarsup qalipaa ivisaartoq 10 cm-it tikillugit silissusilinnik aappalungusersunik orangeatulluunniit sungaartunik iloqqasunittarpoq, sinaanullu pilutai tikkungasarlutik.

Qaarsup qalipaa sungaartoq

Qallunaatut atia: Gul småsporelav
Latiinerisut atia: Acarospora chlorophana
Tuluttut atia: Cracked Lichen
Sorlernut ilaava: Issuatsiaanut orsuaasanullu
Orsuaasaqatai: Skivelavsvampe
Ordeni: Acarosporales
Ilaqutai: Acarosporaceae

Qaarsup qalipaa sungaartoq aamma qallunaatut taaneqartarpoq skyggelav, alanngormiu, tassagooq naasarmat alanngumi, soorlu qangattani. Kalaallit Nunaanni tamarmi naasarpoq.

Ilisarnaatai
Qaarsup qalipaa sungaartoq aamma sungaartoq qorsorpaluttuusumik qalipaateqarsinnaasoq, pilutaqarpoq sungaaqqissunik sinai sipiniusalinnik. Inerittui manissuupput qaarajuartut pilutaaniit taarnerulaartut. Inerittuisa sinai sungaartut qaamasuupput.

Ujaluusat taartut

Qallunaatut atia: Sten-trådlav
Latiinerisut atia: Pseudehebe pubescens
Tuluttut atia: Stone Blackcurly Lichen
Sorlernut ilaava: Issuatsiaat orsuaasallu
Orsuaasaqatai: Skivelavsvampe
Ordeni: Skivelav-ordenen
Ilaqutai: Grenlav-familien

Ujaluusat taartut Kalaallit Nunaanni tamarmi naasarput ujaqqani qaarsunilu, avannarpiaanili qaqutigoortuullutik.

Ilisarnaatai
Ujaluusat taartut ujaluusatut tiggusimaqalutik naasarput. Ujaluusaat annertujaanngorlutik naasarput kajortut taartuullutik qaarsumi, ujaqqani ujaraaralimmiluunniit eqissimasarlutik.

Ujaluusat taartut imusut

Qallunaatut atia: Knudret trådlav
Latiinerisut atia: Pseudephebe minuscula
Tuluttut atia: Blackcurly Lichen; Coarse Rockwool Lichen
Sorlernut ilaava: Issuatsiaanut orsuaasanullu
Orsuaasaqatai: Skivelavsvampe
Ordeni: Skivelavordenen
Ilaqutai: Parmaliaceae

Ujaluusat taartut imusut naasarput Kalaallit Nunaanni tamarmi qaarsuni ujaqqanilu.

Ilisarnaatai
Ujaluusat taartut imusut kajortoq taartunik qernertunilluunniit torsusuunik pilutaqarput tiggusimaqalutik naaffimminnullu tunngalluarlutik. Avalequtaat ataasiakkaarlutik 0,5 mm-inik diametereqarput nuui saattuaraallutik. Ujaluusat taartut imusut pinguttaarakkuutaarajuttuupput.

Ujaqqap qalasia qasiartoq

Qallunaatut atia: Frynset navlelav
Latiinerisut atia: Umbilicaria cylindrica
Tuluttut atia: Navel Lichen
Sorlernut ilaava: Issuatsiaanut orsuaasanullu
Orsuaasaqatai: Skivelavsvampe
Ordeni: Umbilicariales
Ilaqutai: Umbilicariaceae

Ujaqqap qalasia qasiartoq Kalaallit Nunaanni tamarmi ujaqqani qaarsunilu naasarpoq. Imaq tikivillugu qaarsuni aamma naasarpoq.

Ilisarnaatai
Ujaqqap qalasia qasiartoq 10 cm-isut silitsigisunik pilutaqarpoq arlalinngorsinnaasunik. Pilutaasa sinaanni nutsanut eqqaanartunik naasoqartarpoq, pilutaasa sinaat nissalittut isikkoqalersitsisunik. Pilutaasa qaavi qaserujuttuupput qaqortunik mikisunik milaqarlutik. Inerittui qaamikkut qernertunik qooruaartunik saattukujoortaqarpoq.