Kakillarnaasat

Qallunaatut atia: Femradet ulvefod
Latiinerisut atia: Lycopodium annotinum
Tuluttut atia: Stiff Clubmoss
Gruppi: Nerlerit nerisassaat qivittut assaallu
Naasoqatai: Naaqqaatit marlunnik pilutallit
Ordeni: Qivittut assakkui
Ilaqutai: Qivittut assaat

Kakillarnaasat naasarput paarnaqutaannalinni apisartuni orpigaqarfinnilu, amerlasoorsuullutik.

Kanaartai, pilutai naarlaavilu
Kanaartai meterisut takitigisut nuna atuarlugu naasartut makittarissunik nutaaliortut. Pilutai qorsuujuaannartut, amitsukujuut imaluunniit meqqutaasat, inngigissut tunngasut anillangasulluunniit tunuleriiaat 5-10-kuutaartut illugiiaanngitsut.

Inerittussaasivii
Naasutut inerittussaasivilittut allatulli kakillarnaasat kingunissisarput inerittussaasivinni. Inerittussai kaavequtini 1-2 cm-isut takitigisuni pinngortarput.

Nerlerit nerisassaat, Tuttut nerisaat

Qallunaatut atia: Ager-padderok
Latiinerisut atia: Equisetum arvense
Tuluttut atia: Common Horsetail
Gruppi: Nerlerit nerisassaat qivittut assaallu
Naasoqatai: Naaqqaatit ataatsimik pilutallit
Ordeni: Paarnaqutikkut
Ilaqutai: Paarnaqutit

Nerlerit nerisassaat naasarput Kalaallit Nunaanni sumi tamaani isugutasumi, marralimmi.

Kanaartai, pilutai, naarlaavi kingunissaqarfiilu
Kanaartai eqingasulittut, sullullit avinniisallit, tattaasanik mikisuaqqanik pilutallit imaluunniit kigutaasaasallit iloqqasut. Upernaakkut naaqqaarneri kajuartuupput, qorsummik qalipaatissaqannginnamik. 1-4 cm-itut takitigisumik kaavequteqarput inerittussaasiveqarfimmik. Aasakkut naaneri inerittussartaqanngitsut qorsuupput amitsunnguit, nagguaasamikkut nigalinnik avalequtillit imaluunniit “pilutaararpassuallit”.

Qivittut assaat

Qallunaatut atia: Otteradet ulvefod
Latiinerisut atia: Huperzia selago
Tuluttut atia: Fir Clubmoss, Stiff Clubmoss
Gruppi: Nerlerit nerisassaat qivittut assaallu
Naasoqatai: Naaqqaatit marlunnik pilutallit
Ordeni: Qivittut assakkui
Ilaqutai: Qivittut assaarai

Qivittut assaat naasarput apusineqarfinni, paarnaqutaannalinni, ivigalinni sivinganernilu.

Kanaartai, pilutai naarlaavilu
Kanaartai 50 cm tikillugit takissusillit sorlanittartut nuna atuarlugu, pilutaqarput tattaasanik mikisunik makittaarissunik naarlaavi ajassaataasaallutik. Tungujortut qorsorpaluttuupput tunuleriiaat sisamakkuutaartunik pilutaqarlutik.

Inerittussaasivii
Qivittut assaat inerittussaasiveqarput. 1-2- cm-isut takitigisunik kaavequteqarput inerittussaasivippassualinnik. Kingunissisarput inerittussaasivinni.