Qallunaatut atia: Mosebølle (Blåbær)
Latiinerisut atia: Vaccinium uliginosum
Tuluttut atia: Arctic Blueberry, Bog Bilberry
Gruppi: Orpiit orpikkallu
Naasoqatai: Naaqqaatit marlunnik pilutallit
Ordeni: Paarnaqutikkut
Ilaqutai: Paarnaqutit



Kigutaarnat nagguii orpigaasaapput avalequtilerujussuit, naasartut Kalaallit Nunaata annersaani masarsunni paarnaqutaannalinnilu. Nalinginnaavoq.

Avalequtai pilutaalu
Avalequteqarput qasertut kajuartunik meqqulinnik eqimattatut naasartunik. Pilutai qassutaasaapput tumaasat, sinai manissut ataatungaat tungujortut qasertut.

Sikkersui inerittuilu
Sikkersui qummuattaasat qaqortuunngikkunik aappaluartut. Paarnai tungujuartut amitsukujuut. Ataasiakkaarput imaluunniit ikittunnguakkuutaarput.

Siaruarsimanera:
Udbredelse i Grønland
Paasissutissat:
  • Naaffia: Sumi tamaani
  • Ukiuni arlalinni uumasarput
  • Takissusia: 10-80 cm
  • Pilutai: Tumaasat, manningasut killormut sammisut
  • Sikkertarpoq: Maaji-juuni
  • Inerittua: Juuli-aggustimi paarnanngortarpoq
Kigutaarnat nagguii - Mosebølle - Vaccinium uliginosum - Arctic Blueberry / Bog Bilberry