• Anaasaq

    Anaasaq

    Anaasaq

    Anaasaq

    Qallunaatut atia: Polar slørhat
    Latiinerisut atia: Cortinarius polaris
    Tuluttut atia: Webcap
    Gruppi: Pupiit
    Naasoqatai: Basidieklassen
    Ordeni: Skørhat-ordenen
    Ilaqutai: Skørhat-familien


    Anaasaq naasarpoq apusineqarfinni piluusanik umerluusanillu naasoqarfiusuni. Kalaallit Nunaanni tamarmi naasarpoq, avannarpasinnerusumili nalinginnaanerulluni.

    Kaarfa, niulua lamelliilu
    Kaarfa 1-3 cm-inik silissusilik kajortoq taartuuvoq. Niulua 1,5-5 cm-itut takitigisoq sungarpaluttuuvoq. Lamellii akulikitsut sungaartooriarlutik manngertornertut kajortittarput.

    Atorneqarsinnaanera
    Anaasat sakkukitsumik toqunartoqarput.

  • Kamerualik kaarfakkaaq

    Kamerualik kaarfakkaaq

    Kamerualik kaarfakkaaq

    Kamerualik kaarfakkaaq

    Qallunaatut atia: Grønlandsk kamfluesvamp
    Latiinerisut atia: Aminata groenlandica
    Tuluttut atia: Greenlandic Ringless Amanita
    Gruppi: Pupiit
    Naasoqatai: Basidieklassen
    Ordeni: Bladhat-ordenen
    Ilaqutai: Skærmhat-familien

    Naasarpoq orpigaqarfinni avaalaqiaqarfinni aammalu paarnaqutaannalinni orpigaqarlutillu avaalaqialinni. Sinerissami nalinginnaavoq, Avannaanili siumugassaanani.

    Kaarfa, niulua lamelliilu
    Kaarfa 5-12 cm-isut silitsigaaq, puttuterlaat mannittut iluseqarput, kingornali qaarajuttunngunngikkuni manissunngortarpoq. Sinaa qooruaartuuvoq. Kaarfa qasertoq kajuartuunngikkuni sungaartoq kajuartumik qalipaateqarpoq. Niulua 4-15-cm-inik takissusilik qasertumik qaqorujuttumik ataatungimigut puujusaqarpoq (kameruaasaqarpoq). Lamellii akulikitsut qasertoq qaqorujuttuupput.

    Atorneqarsinnaanera
    Kamerualik kaarfakkaaq pupiuvoq nerineqarluarsinnaasoq.

  • Nasaasaq toqunartulik

    Nasaasaq toqunartulik

    Nasaasaq toqunartulik

    Nasaasaq toqunartulik

    Qallunaatut atia: Nordisk hjelmhat
    Latiinerisut atia: Galerina pseudomycenopsis
    Tuluttut atia: Nordic Bell
    Gruppi: Pupiit
    Naasoqatai: Basidieklassen
    Ordeni: Bladhat-ordenen
    Ilaqutai: Slørhat-familien

    Nasaasaq toqunartulik Kalaallit Nunaanni tamarmi issuatsiaat ivikkallu akornanni naasarpoq. Naasut assigiinngitsut akornanni naasarpoq, annerusumik isugutasumi.

    Kaarfa, niulua lamelliilu
    Kaarfa 1-4 cm-isut silitsigaaq qaarajulaannguarluni. Orangeamit manngertornertut kajuartumut ikaarsaartumik qalipaateqarpoq. Niulua 2-5 cm-isut portutigaaq, kajuartuulluni qulaatungimigut amitsunnguamik qaqortumik tassiisaqarluni. Lamellii akuttujaartut, sungaaqqissooriarlutik kingusinnerusukkut inerittussamik pujoralaannit kajortittarput.

    Atorneqarsinnaanera
    Naasaq toqunartoq toqunartortaqarpoq.

  • Pujualak

    Pujualak

    Pujualak

    Pujualak

    Qallunaatut atia: Arktisk støvbold
    Latiinerisut atia: Calvatia cretacea
    Tuluttut atia: Puffball
    Gruppi: Pupiit
    Naasoqatai: Basidieklassen
    Ordeni: Bladhat-ordenen
    Ilaqutai: Bladhat-familien

    Pujualak Kalaallit Nunaanni tamarmi naasarpoq, pingaartumik Avannaani nalinginnaanerulluni. Pujualak paarnaqutaannalinni qatsissumilu kalkeqarluartumi naalluartarpoq.

    Ilisarnaatai
    5-12 cm-isut silitsigisunik ammalortunik qaqungajattunik inerittussaqarpoq. Pupiup qaava ameraasaavoq saattunnguaq unnguusaaraqartiterluni.

    Atorneqarsinnaanera
    Naarlaat kimikitsut nerineqarsinnaapput. Pujualak inerikkaangat nerpia allanngortarpoq pujoralaasanngorluni kajorujuttoq, anorimit tingitaasartoq.

  • Pupik immulik

    Pupik immulik

    Pupik immulik

    Pupik immulik

    Qallunaatut atia: Grønlandsk mælkehat
    Latiinerisut atia: Lactarius dryadophilus
    Tuluttut atia: Milkcap
    Gruppi: Pupiit
    Naasoqatai: Basidieklassen
    Ordeni: Skørhat-ordenen
    Ilaqutai: Skørhat-familien

    Pupik immulik naasarpoq paarnaqutaannalinni panertuni ujaraaralinni orpigaqarlutillu umerluusalinni. Kalaallit Nunaanni tamarmi naasarpoq.

    Kaarfa, niulua lamelliilu
    Kaarfa 4-10 cm-isut silitsigaaq, nipeqqaaluttuulluni, naasullu sequnnikuinik qaavani nippusimasoqarajulluni. Sungartooq qaamasumiit taarnerulaartumut ikaarsaartumik qalipaateqarpoq. Niulua 2-5 cm-isut portutigaaq, nipeqqaaluttuulluni manissoq. Kaarfata qalipaataatut qalipaateqarpoq. Lamellii akulikitsuupput qaqortut sungarpaluttuullutik. Qaqortumik immuusamik isseqarpoq.

    Atorneqarsinnaanera
    Pupik immulik nerisassaqqissuuvoq.

  • Pupik mamartoq

    Pupik mamartoq

    Pupik mamartoq

    Pupik mamartoq

    Qallunaatut atia: Velsmagende birkerørhat
    Latiinerisut atia: Leccinum atrostipitatum
    Tuluttut atia: Dark-Stalked Bolete
    Gruppi: Pupiit
    Naasoqatai: Basidieklassen
    Ordeni: Rørhat-ordenen
    Ilaqutai: Rørhat-familien

    Pupik mamartoq naasarpoq avaalaqiakuluut eqqaanni orpigalinni paarnaqutaannalinnilu. Kujataani nalinginnaalluni avannarpasinnerusumi qaqutigoorneruvoq.

    Kaarfa niulualu
    Kaarfa 10-25 cm-isut silitsigilersinnaasoq manissuuvoq qaarajuartoq panertoq. Orangeatut kajuartumik qaamasutut qalipaateqarpoq. Kaarfata ataani sulluarai qaqorujuttooriarlutik qasertoq kajuartunngortarput. Niulua 10-20 cm-isut portutigisoq 2-4 cm-isullu silitsigisoq, ulamertoq qernertunillu tattaasaqarluni.

    Atorneqarsinnaanera
    Naarlaajunerusut nerineqarsinnaapput. Nerpia kinertuuvoq qaqungajattoq sakkukitsumik mamalik. Avillugu nerpia taartittarpoq.

  • Pupik niulugissoq

    Pupik niulugissoq

    Pupik niulugissoq

    Pupik niulugissoq

    Qallunaatut atia: Grønlandsk birkerørhat
    Latiinerisut atia: Leccinum sp.
    Tuluttut atia: Bolete
    Gruppi: Pupiit
    Naasoqatai: Basidieklassen
    Ordeni: Rørhat-ordenen
    Ilaqutai: Rørhat-familien

    Pupik niulugissoq naasarpoq nunap timaani avaalaqialinni avaalaqiakuluulinnilu, sinerissamili qaqutigoornerulluni. Avaalaqialinni sumiluunniit naasarpoq.

    Kaarfa, niulua lamelliilu
    Kaarfa 5-10 cm-isut silitsigaaq qaarajuaarluni, kajortoq taartoq sungarpalungajattoq. Ataani sullullit qaqortooriarlutik qasertoq kajuartunngortarput. Niulua 5-10 cm-isut portutigaaq kajortunik taartunik tattaasaqarluni.

    Atorneqarsinnaanera
    Pupik niulugissoq toqunartuunnginnami nerineqarsinnaavoq ilaquttani rørhattet tamaasa assigalugit.

  • Pupik siaangasoq

    Pupik siaangasoq

    Pupik siaangasoq

    Pupik siaangasoq

    Qallunaatut atia: Gyldengrå munkehat
    Latiinerisut atia: Melanoleuca cognata
    Tuluttut atia: Cavalier
    Gruppi: Pupiit
    Naasoqatai: Basidieklassen
    Ordeni: Bladhat-ordenen
    Ilaqutai: Ridderhat-familien

    Pupik siaangasoq naasarpoq nunap timaani paarnaqutaannalinni inuussutissaqarluartuni, pingaartumik issutilinni.

    Kaarfa, niulua lamelliilu
    Kaarfa 2-10 cm-isut silitsigaaq, naarlaanerusut qitermikkut qattunersaqarput, kingusinnerusukkut itersisartunik. Kaarfa kajortoq sungarpaluttuunngikkuni sungaartoq qaserujuttuusarpoq. Niulua 3-10 cm-isut portutigisoq sinimigut ersarissunik titarniisalik. Sungaartuunngikkuni kajortoq qasertuuvoq. Lamellii akulikitsuaqqat sungaartuunngikkunik kajortoq qaamasuupput.

    Atorneqarsinnaanera
    Pupik siaangasoq nerisassaalluarpoq.

  • Pupik tassilik

    Pupik tassilik

    Pupik tassilik

    Pupik tassilik

    Qallunaatut atia: Mark-champignon
    Latiinerisut atia: Agaricus campester
    Tuluttut atia: Mushroom
    Gruppi: Pupiit
    Naasoqatai: Basidieklassen
    Ordeni: Bladhat-ordenen
    Ilaqutai: Champignon-familien

    Pupik tassilik naasarpoq nunami paningaatsiartumi ivikkat akornanni. Kangerlunni kiattuni nassaassaaneruvoq, kujataanilu amerlanerusarlutik.

    Kaarfa, niulua lamelliilu
    Kaarfa 5-10 cm-isut silitsigisoq qaarajuttuuvoq. Manissuuvoq qaqungajattoq tattaasaqalaarsinnaalluni. Niulua 3-6 cm-isut portutigaaq, 1-2 cm-isullu issutigaluni. Manissuuvoq, naarlaajunerusullu niulumik qeqqatigut qaqortumik tassiisaqarlutik. Lamellii qaqortooriarlutik kingorna kajortittarput.

    Atorneqarsinnaanera
    Pupik tassilik nerisassaalluartuuvoq, ooqanngitsuliaralugu nerisassiaralugu imaluunniit uullugu sialluguluunniit.

  • Qullungasoq toqunartulik

    Qullungasoq toqunartulik

    Qullungasoq toqunartulik

    Qullungasoq toqunartulik

    Qallunaatut atia: Almindelig netbladhat
    Latiinerisut atia: Paxillus involutus
    Tuluttut atia: Rollrim
    Gruppi: Pupiit
    Naasoqatai: Basidieklassen
    Ordeni: Bladhat-ordenen
    Ilaqutai: Netbladhat-familien

    Qullungasoq toqunartulik naasarpoq paarnaqutaannalinni avaalaqialinni naggorissuni, pingaartumik Kujataani kangerlunni amerlalluinnartarlutik.

    Kaarfa, niulua lamelliilu
    Kaarfa 5-12 cm-isut silitsigaaq, naarlaanerusuni qeqqa qaarajuttooriarluni itersineqalersarluni. Kaarfata sinaat ataanut qullungasuupput. Kaarfa qasertoq kajuartuuvoq, kajortoq sungarpaluttuunngikkuni manngertornertulluunniit kajortuulluni. Niulua 2-5 cm-inik portussuseqarpoq 1-2 cm-inillu diametereqarluni. Pupik attorlugu tamarmi kajortittarpoq.

    Atorneqarsinnaanera
    Pupik toqunartoqarpoq, taamaattumillu katersorneqartariaqarani.

  • Seqummalasumik qaalik

    Seqummalasumik qaalik

    Seqummalasumik qaalik

    Seqummalasumik qaalik

    Qallunaatut atia: Klidhat
    Latiinerisut atia: Rozites caperatus
    Tuluttut atia: Gypsy Mushroom
    Gruppi: Pupiit
    Naasoqatai: Basidieklassen
    Ordeni: Bladhat-ordenen
    Ilaqutai: Slørhat-familien

    Seqummalasumik qaalik naasarpoq paarnaqutaannalinni avaalaqialinni, avaalaqiakuluulinnilu qaqutigoornerulluni. Kujataani kangerlunni nalinginnaaneruvoq, Nuummiit avannamut qaqutigoornerulluni.

    Kaarfa, niulua lamelliilu
    Kaarfa kajortoq sungarpaluttumiit kajortuuvoq, 4-15 cm-isut silitsigaluni qaarajuaannguarluni manissoq. Naarlaanerusut qaavi qaqungajattuupput. Niulua 5-20 cm-isut portutigaaq, ulamertuulluni nasaasaminiit qaamanerulaartoq. Niulumi qulaatungaatigut qaqorujuttumik nigaqarpoq. Lamellii qarsungasooriarlutik kingusinnerusukkut kajortittarput inerittussat pujoralaannit.

    Atorneqarsinnaanera
    Pupik nerineqarsinnaalluarpoq, qeritinneqarsinnaasoq. Nerpia qaqorujuttoq sakkukitsumik mamaqarpoq.

  • Siggilasoq

    Siggilasoq

    Siggilasoq

    Siggilasoq

    Qallunaatut atia: Arktisk hummer-skørhat
    Latiinerisut atia: Russula chamiteae
    Tuluttut atia: Crab Brittlegill
    Gruppi: Pupiit
    Naasoqatai: Basidieklassen
    Ordeni: Skørhat-ordenen
    Ilaqutai: Skørhat-familien

    Siggilasoq nalinginnaasumik naasarpoq paarnaqutaannalinni apusineqarfinnilu orpikkat akornanni. Kalaallit Nunaanni tamarmi naasarpoq.

    Kaarfa, niulua lamelliilu
    Kaarfa 3-8 cm-isut silitsigaaq qaarajuttuulluni. Naarlaanerusuni aappillarissuuvoq, kajortoq sungaartikkiartortarlunili. Niulua 2-3 cm-isut portutigaaq 1-2 cm-isut silitsigaluni, ataatungaa silinnerulluni. Niulua qaqorujuttuunngikkuni aappaluartuuvoq. Lamellii qaqortooriarlutik sungarpaluttunngortarput.

    Atorneqarsinnaanera
    Siggilasoq pupiit ilaqutarisamisulli nerineqarluarsinnaavoq.

  • Siggilasoq kaarfakkaaq

    Siggilasoq kaarfakkaaq

    Siggilasoq kaarfakkaaq

    Siggilasoq kaarfakkaaq

    Qallunaatut atia: Grågrøn skørhat
    Latiinerisut atia: Russula medullata
    Tuluttut atia: Brittlegill
    Gruppi: Pupiit
    Naasoqatai: Basidieklassen
    Ordeni: Skørhat-ordenen
    Ilaqutai: Skørhat-familien

    Siggilasoq kaarfakkaaq naasarpoq apusineqarfinni paarnaqutaannalinni orpikkat avaalaqissallu akornanni. Pupik Kalaallit Nunaata kujasinnerusortaani taamaallaat naasarpoq.

    Kaarfa, niulua lamelliilu
    Kaarfa 4-10 cm-isut silitsigisoq qaarajuttoq manissuuvoq. Sinaa qorsuk qaserujuttoq qeqqa immuup qalipperneratut qalipaatilik. Niulua 4-8 cm-isut portutigaaq. Lamellii qaqungajattooriarlutik kajortittarput.

    Atorneqarsinnaanera
    Nerineqarsinnaagaluarluni nerineqartorujussuunngilaq.

  • Siggilasoq sungaartoq

    Siggilasoq sungaartoq

    Siggilasoq sungaartoq

    Siggilasoq sungaartoq

    Qallunaatut atia: Birke-skørhat
    Latiinerisut atia: Russula claroflava
    Tuluttut atia: Yellow Swamp Brittlegill
    Gruppi: Pupiit
    Naasoqatai: Basidieklassen
    Ordeni: Skørhat-ordenen
    Ilaqutai: Skørhat-familien

    Siggalasoq sungaartoq Kalaallit Nunaata kujasinnerusortaani naasarpoq, pingaartumik avaalaqiaqarfinni.

    Kaarfa niulua lamelliilu
    Kaarfa 5-8 cm-inik diametereqarpoq sungaartuunngikkuni qorsorpaluttuulluni. Niulua 8 cm-it tikillugit portussuseqarpoq. Lamellii akulikitsut qaqortooriarlutik immuup qalipperneratut qalipaateqalersarput.

    Atorneqarsinnaanera
    Siggilasoq sungaartoq nerisassaalluartorujussuuvoq.

  • Sinaagissoq qaamaneq

    Sinaagissoq qaamaneq

    Sinaagissoq qaamaneq

    Sinaagissoq qaamaneq

    Qallunaatut atia: Grønlandsk hekseringshat
    Latiinerisut atia: Lepista sp.
    Tuluttut atia: Greenlandic Blewit
    Gruppi: Pupiit
    Naasoqatai: Basidieklassen
    Ordeni: Ridderhat-ordenen
    Ilaqutai: Ridderhat-familien

    Sinaagissoq qaamaneq naasarpoq Kalaallit Nunaata kujasinnerusortaani oqquartani narsani ivigalinni avaalaqialinnilu.

    Kaarfa, niulua lamelliilu
    Kaarfa 6-18 cm-inik silissusilik qaarajuttuuvoq. Qaqungajattuuvoq immuup qalipperneranut eqqaanarluni, pisoqaanerusut qitermikkut taarnerulaarlutik. Niulua 5-10 cm-isut portutigisoq ulamertuuvoq kaarfamisut qalipaateqarluni. Lamellii akulikitsuupput. Naarlaanerusuni qaqungajattooriarlutik aappalualaannguartunngortarput.

    Atorneqarsinnaanera
    Nerineqarsinnaavoq, paarlaanneqarsinnaallunili pupimmut Løv-tragthatimut toqunartuusumut.

  • Sinaagissoq taarneq

    Sinaagissoq taarneq

    Sinaagissoq taarneq

    Sinaagissoq taarneq

    Qallunaatut atia: Nordisk hekseringshat
    Latiinerisut atia: Lepista multiformis
    Tuluttut atia: Nordic Blewit
    Gruppi: Pupiit
    Naasoqatai: Basidieklassen
    Ordeni: Ridderhat-ordenen
    Ilaqutai: Ridderhat-familien

    Sinaagissoq taarneq naasarpoq Kalaallit Nunaanni tamarmi, pingaartumik nunami assanneqarsimasumi, soorlu kussinerni issumiluunniit uninngasuunngitsumi.

    Kaarfa, niulua lamelliilu
    Kaarfa 4-12 cm-isut takitigisoq qaarajuartuunngikkuni iluliumaartuuvoq. Qaserujuttuuvoq kajortoq qasertuulluniluunniit milappassuaqartarluni taartunilluunniit qiterutaasaqartarluni. Niulua 2-6 cm-isut portutigaluni 1-2-cm-isut silitsigaaq.

    Atorneqarsinnaanera
    Nerineqarsinnaalluarpoq, eqimalluni naagajuttarluni.

  • Tarpangasoq toqunartulik

    Tarpangasoq toqunartulik

    Tarpangasoq toqunartulik

    Tarpangasoq toqunartulik

    Qallunaatut atia: Kødfarvet tragthat
    Latiinerisut atia: Clitocybe diatreta
    Tuluttut atia: Funnel
    Gruppi: Pupiit
    Naasoqatai: Basidieklassen
    Ordeni: Ridderhat-ordenen
    Ilaqutai: Ridderhat-familien

    Tarpangasoq toqunartulik nalinginnaasumik naasarpoq orpikkat akornanni paarnaqutaannalinni, issuatsialinni apusineqarfinnilu. Kalaallit Nunaanni tamarmi nalinginnaavoq.

    Kaarfa, niulua lamelliilu
    Kaarfa 2-5 cm-isut silitsigisoq naarlaani qaarajuartuuvoq, tarpangasunngortarlunili. Naarlaat amertut qalipaateqarput, kingusinnerusukkulli qarsungasooriarlutik qaqungajattunngortarput. Niulua 2-4 cm-itut portutigaaq qaqungajattuuvoq. Lamellii akulikitsuupput niuluatigullu ammut nangilaarlutik.

    Atorneqarsinnaanera
    Tarpangasoq toqunartulik toqunartortaqalaarpoq.