Sinaagissoq qaamaneq

Qallunaatut atia: Grønlandsk hekseringshat
Latiinerisut atia: Lepista sp.
Tuluttut atia: Greenlandic Blewit
Gruppi: Pupiit
Naasoqatai: Basidieklassen
Ordeni: Ridderhat-ordenen
Ilaqutai: Ridderhat-familien

Sinaagissoq qaamaneq naasarpoq Kalaallit Nunaata kujasinnerusortaani oqquartani narsani ivigalinni avaalaqialinnilu.

Kaarfa, niulua lamelliilu
Kaarfa 6-18 cm-inik silissusilik qaarajuttuuvoq. Qaqungajattuuvoq immuup qalipperneranut eqqaanarluni, pisoqaanerusut qitermikkut taarnerulaarlutik. Niulua 5-10 cm-isut portutigisoq ulamertuuvoq kaarfamisut qalipaateqarluni. Lamellii akulikitsuupput. Naarlaanerusuni qaqungajattooriarlutik aappalualaannguartunngortarput.

Atorneqarsinnaanera
Nerineqarsinnaavoq, paarlaanneqarsinnaallunili pupimmut Løv-tragthatimut toqunartuusumut.

Siaruarsimanera:
Sinaagissoq qaamaneq
Paasissutissat:
  • Naaffia: Sumi tamaani
  • Kaarfa: 6-18 cm-isut diametereqarpoq
  • Niulua: 5-10 cm-isut portutigaaq
  • Nerineqarsinnaavoq
Sinaagissoq qaamaneq - Grønlandsk hekseringshat - Lepista sp. - Greenlandic Blewit