Alanngialasoq

Qallunaatut atia: Isprikfisk
Latiinerisut atia: Benthosema glaciale
Tuluttut atia: Glacier Lanternfish
Sorlernut ilaava: Aalisakkat
Aalisagaqatai: Prikfisk
Ilaqutai: Prikfisk

Alanngialasoq Kalaallit Nunaata eqqaani Davis Strædemi Kitaanilu avannamut Upernavik tikillugu uumasuuvoq. 1.500 meterit tikillugit itissusilimmi ikerinnarsiortuuvoq. Amerlasoorsuusaramik aalisakkanut allanut nerisatut pingaaruteqarput.

Ilisarnaatai
Alanngialasoq aalisagaavoq tuattoq sølvitut qillertoq, portusuumik avaleraasaqarpoq mikisunnguamillu naparutaasaqarluni. Naamigut anguutaa qimerluani avaleraasaaniit tanneruvoq. Iserujussuaqarpoq niaqqumigut saneqqaminilu titarnermi ataatigut qaammartartoqarluni. Kiguserfiisa qulliit tunuatungaat silittuupput.

Nerisai
Nerisarineruai kinguit peqquillu qaamasartut.

IsprikAalisakkat - Benthosema glaciale - Glacier Lanternfish
Paasissutissat
  • Uumaffii: Imaq
  • Takissusia: 10-12 cm tikillugit
  • Suai: 160-2000
  • Suffisarpoq: upernaakkut aasakkulluunniit
  • Kinguaassiorsinnaalersarpoq marluk miss. ukioqalerluni 3-5 cm-nik takissuseqaleraangami
  • Sivisunerpaamik uumasarpoq: ukiut 8
Nalunngiliuk?
Alanngialasoq nerisassarsiorluni ullup unnuallu ingerlanerani qummut qaffatsertarpoq. Taamaattumik unnuakkut immap qaatungaaniittarpoq ulluuneranilu itinerusumiittarluni.