Ammassak

Qallunaatut atia: Lodde (Ammasæt)
Latiinerisut atia: Mallotus villosus
Tuluttut atia: Capelin
Sorlernut ilaava: Aalisakkat
Aalisagaqatai: Saarullikkut
Ilaqutai: Saarulliit

Ammassak issittumi tamarmi aalisagaavoq, Kalaallit Nunaata kitaani avannamut Uummannaq Tunumilu Ammassalik tikillugu ikkattumi suffisarluni. 300 meterit tikillugit itissusilimmi amerlasoorsuakkuutaarlutik ikerinnarsiortuupput.

Ilisarnaatai
Ammassak amitsukujuujuvoq takisooq niaqua sigguinut inngigissiartortoq, kiguserfii qulliit anillangasut, pissiguteeralik. Sølvitut qillertuuvoq qimerlua taartuulluni qorsorpaluttuulluniluunniit, saneqqamigut takisuumik qaamasumik titarneqarluni.

Nerisai
Nerisarai uumasut tappiorannartut, peqqukkut, immap qullugiai aalisagaaqqallu. Kalaallit Nunaanni uumasunut allarpassuarnut inuussutaavoq pingaarutilik.

Lodde (Ammasæt) - Mallotus villosus - Capelin
Paasissutissat
  • Uumaffii: Imaq
  • Takissusia: 20-25 cm
  • Suai: 6.000-30.000
  • Suffisarpoq: maaji-juuli
  • Kinguaassiorsinnaalersarpoq 2-5-nik ukioqaleraangami 15 cm miss. takissuseqarluni.
  • Sivisunerpaamik uumasarpoq: ukiut arfineq-marluk
Nalunngiliuk?
Angutivissap arnaviaq najummisarpaa suai anisuuminik immutseraangamigit kinguaassaqalersillugit. Taava amerlanertigut arnaviaq toqusarpoq, angutivissalli toqunnginnermini arnavissap mannii kinguaassaqalersittarpai. Suffinerup nalaani angutivissap saneraa illuttut allanngortarpoq meqquluaasanilluni.