Qallunaatut atia: Atlantisk sild
Latiinerisut atia: Clupea harengus
Tuluttut atia: Atlanthic Herring
Sorlernut ilaava: Aalisakkat
Aalisagaqatai: Ammassassuakkut
Ilaqutai: Ammassassuit

Ammassassuaq siammarsimavoq Atlantikup avannaani Østersømiit Nordsømiillu Svalbard aammalu Kalaallit Nunaat aqqusaarlugu Amerika Avannarlermut. Kalaallit Nunaata eqqaani suffisarpoq Kitaani Upernaviup kujataani Tunumilu Ammassalik tikillugu. Ataatsimoorlutik ingerlaartarput 0-250 meterit tikillugit itissusilimmiuullutik.

Ilisarnaatai
Ammassassuaq takkajaajuvoq sølvitut qalipaatilik qorsorpaluttumik tungujungajattumilluunniit qillertoq. Qatigaa taarnerulluni naavi qaamanerupput. Avaleraasai anguutaalu kajuartuupput, qaserujuttuullutik sungarpalulaartut. Iserujussuaqarpoq, allerui siuarsimallutik angisuunillu tattaqarluni.

Nerisai
Nerisarai uumasuaqqat tappiorannartut aalisakkallu piaraat, peqqukujuit, siuteqqut aalisagaaqqallu.

Atlantisk sild - Clupea harengus - Atlanthic Herring
Paasissutissat
  • Uumaffii: Imaq
  • Takissusia: 40-45 cm tikillugu
  • Oqimaassusia: 1 kg tikillugu
  • Suai: 20.000-150.000
  • Suffisarpoq: ukiakkut imaluunniit ukiukkut/upernaakkut (sorliunera apeqqutaalluni)
  • Kinguaassiorsinnaalersarpoq 3-9-nik ukioqaleraangami 30-32 cm-inik takissuseqarluni
  • Sivisunerpaamik uumasarpoq: ukiut 22
Nalunngiliuk?
Ammassassuaq taanna imaani ikerinnarmi suffisarpoq. Suai immap naqqanut kivisarput qeqqussanut, ujaqqanut imminnullu nipputtarlutik. Ullut 10-20 qaangiukkaangata suai tukertarput, piarai 7-9 mm-inik takissusillit imaani qaffasinnerusumiilersarlutik.