Eqalugaasaq

Qallunaatut atia: Istorsk
Latiinerisut atia: Arctogadus glacialis
Tuluttut atia: Arctic Cod
Sorlernut ilaava: Aalisakkat
Aalisagaqatai: Saarullikkut
Ilaqutai: Saarulliit

Eqalugaasaq issittormiuuvoq Kalaallit Nunaata kitaata avannarpasissuarmioq Qimusseriarsuarmiit Inglefield Landimut Tunullu avannaani Ittoqqortoormiit Peary Landillu akornanni uumasoq. Eqalugaasaq sikut saatsersut akornanniittarpoq ukiulluunniit sikuata ataatungaaniittarluni, 1.000 meterilli tikillugit itissusilimmiissinnaapput amerlasoorsuakkuutaartuullutik.

Ilisarnaatai
Eqalugaasaq tuattuuvoq pingasunik qimerlummigut avaleraasalik, itimi kingornagut marlunnik anguuteqarpoq paperuata kangia amitsunnguulluni. Uukkamut eqqaanarpoq. Qaleriiaanik tattaqarpoq, uukkalli taamaattunik peqanngillat. Tamatuma saniatigut umiusaqanngilaq mikisuararsuarmilluunniit taamaattoqarluni.

Nerisai
Eqalugaasap nerisarineruai peqquaqqat sarfaatitittut aalisagaaqqallu.

Istorsk - Arctogadus glacialis - Arctic Cod
Paasissutissat
  • Uumaffii: Imaq
  • Takissusia: 40 cm tikillugu
Nalunngiliuk?
Eqalugaasaq issittup imartaani nerisareqatigiinnut pingaartuuvoq, ilaatigut puisinit qilalukkanillu nerisaalluarluni. Inunnut nerisassatut pingaaruteqanngilaq.