Qallunaatut atia: Fjeldørred
Latiinerisut atia: Salvelinus alpinus
Tuluttut atia: Arctic Char
Sorlernut ilaava: Aalisakkat
Aalisagaqatai: Kapisilikkut
Ilaqutai: Kapisillit ilaqutariit

Eqaluk issittumi tamarmi uumasuuvoq, Europap avannaani, Amerika Avannarlermi Asiallu avannarpasissuani imermi tarajuunngitsormiuulluni. Kalaallit Nunaanni sumi tamani kuunni sinerissallu qanittuarmiuuvoq – allaat avannarpiaani. Eqaluit ilaat angalaartuupput imarmiut imerni tarajuunngitsuni suffisarlutik, allalli sisujuitsut inuunertik naallugu imermi tarajuunngitsormiuullutik.

Ilisarnaatai
Eqaluup ilisarnaatigai qutummigut, naamigut itimilu kingornani anguutaasa sinai qaqortuugamik. Qalipaataa sølvitut qillertuusinnaavoq qimerlua taarnerusinnaalluni sungaartunik aappaluttunilluunnit milaqarluni naavi sungarpaluttoq qaqortuullutik. Suffinermi nalaani naavi, saneraasa kingornatungaat avaleraasaalu aappaluttuusarput.

Nerisai
Nerisarai aalisakkat, aalisakkat piaraat, siuteqqut, uumasuaqqat isaannarnik takuneqarsinnaanngitsut, peqquit sullernillu qullugiaat.

Fjeldørred (Ørred) - Salvelinus alpinus - Arctic Char
Paasissutissat
  • Uumaffii: Imaq
  • Takissusia: 30-75 cm
  • Oqimaassusia: 0,3-1,5 kg tikillugu
  • Suai: 3000-7000
  • Suffisarpoq: ukiakkut-ukiukkut
  • Kinguaassiorsinnaanngortarput 8-9-nik ukioqaleraangamik, 35-40 cm-inik takissuseqarlutik
  • Sivisunerpaamik uumasarpoq: ukiut 24
Nalunngiliuk?
Kalaallit Nunaanni eqaluit imaaneeriarlutik ukiakkut kuunnut majortarput ukiulernerani ukiumiluunniit suffiartorlutik. Piaraat 2-6-nik ukioqaleraangamik imaanut sisusarput, imaaniittarlutillu kuunnut uterlutik suffiartorlutik ukiiartorlutillu.