Qallunaatut atia: Tornhalet rokke
Latiinerisut atia: Bathyraja spinicauda
Tuluttut atia: Spinytail Skate
Sorlernut ilaava: Aalisakkat
Aalisagaqatai: Allernat
Ilaqutai: Rajidae

Eqalussuup nulia siammarsimavoq Labradorimiit kuussuullu St. Lawrencep akuaniit Davisstrædemut, Kalaallit Nunaata kujataanut, Islandimut, Norske Havip kangisissuanut Barentshavimullu. Immap natermiuuvoq 140-900 meterinik itissusilimmi.

Ilisarnaatai
Eqalussuup nulia saattukujuumik ammalungajattumik timeqarpoq, qutummi nalaatigut anguutai qaarajuaarlutik. Qaava qasertuuvoq maniilakulattuulluni kapinartuaraqarami. Ataa qaqortuuvoq qasertunik milalik. Ilisarnaatigai papeqqumi qaavatigut 20-26-nik kapinartoqarami.

Nerisai
Nerisarai peqqukujuit aalisakkallu, soorlu allernaq aappaluttoq ammassaallu.

Tornhalet rokke - Bathyraja spinicauda - Spinytail Skate
Paasissutissat
  • Uumaffii: Imaq
  • Takissusia: 150-172 cm tikillugu
  • Oqimaassusia: 20 kg qaangerlugu
Nalunngiliuk?
Allernaq taanna Kalaallit Nunaanni allernat annersaraat.