Imaviup kanajua

Qallunaatut atia: Grønlandsk halvulk
Latiinerisut atia: Artediellus uncinatus
Tuluttut atia: Arctic Hookear Sculpin
Sorlernut ilaava: Aalisakkat
Aalisagaqatai: Kanassukkut
Ilaqutai: Kanassut

Imaviup kanajua taamaallaat siammarsimavoq Labradorip sineriaani, Norgep avannamut kimmut sineriaani, Sibiriami aammalu Kalaallit Nunaata kitaata kujataani kangerlunni aammalu Ikkannersuarni Store- aamma Lille Hellefiskebankini kiisalu Tunumi Ammassallup eqqaani. Nalinginnaasumik 15-200 meterinik itissusilimmiuuvoq 0 gradiniit kissarnerusumi.

Ilisarnaatai
Imaviup kanajua Kalaallit Nunaanniittoq qimerlummigut marlunnik avaleraasaqarpoq, avaleraasaata siulliup nuui kapuutaasaallutik, kajortoq taartuulluni naavi qaqortoq sungarpaluttuullutik. Angutivissap qimerlummini avaleraasai qaqortortaqarput taartunik sineqarlutik. Saneqqamini titarnera 24-30-nik sulluaraqarpoq, masiisa matuisa kapinartua peqingasuulluni.

Nerisai
Immap qullugiai, qituttullit peqquaqqallu

Grønlandsk halvulk - Artediellus uncinatus - Arctic Hookear Sculpin
Paasissutissat
  • Uumaffii: Imaq
  • Takissusia: 8-10 cm
  • Suai: 80 miss.
  • (Suffisarpoq: aasakkut)
Nalunngiliuk?
Imaviup kanajua immap natermiuuvoq, 900 meterit tikillugit itissusilimmiuulluni.