Imminnguaaraq

Qallunaatut atia: Murray's skolæst
Latiinerisut atia: Trachyrhynchus murrayi
Tuluttut atia: Murray's Grenadier
Sorlernut ilaava: Aalisakkat
Aalisagaqatai: Saarullikkut
Ilaqutai: Imminnguakkut

Imminnguaaraq siammarsimavoq Irlandip eqqaani, Islandip kujataani Danmarksstrædemi, Davis Strædemi aammalu Kalaallit Nunaata kitaata kujataani Labradorillu eqqaani. 400-1.500 meterinik itissusilimmiuuvoq immap naqqaniinnerusarluni.

Ilisarnaatai
Imminnguaaraq eqqaanarpoq imminnguanut allanut (imminnguanut nalinginnarnut imminnguamullu) timaa naatsuulluni, paperua takisooq nuuminut amiliartortoq, niaqorujussualik iserujussualillu. Imminnguaararli minneruvoq siggua takisooq nuuminnut inngigissiartortoq. Qimerluani avaleraasaa naamigut anguutaanit portuneruvoq, akerlianilli Kalaallit Nunaanni imminnguit allat marluk qimerluini avaleraasaat pukkinnerupput.

Nerisai
Nerisarineruai peqqukujuit assigiinngitsut, soorlu raajat, uillut peqqungasut aamma qullugiaaqqat.

Murray's skolæst - Trachyrhynchus murrayi - Murray's Grenadier
Paasissutissat
  • Uumaffii: Imaq
  • Takissusia: 38 cm tikillugu
Nalunngiliuk?
?