Imminnguaq avannarleq

Qallunaatut atia: Nordlig skolæst
Latiinerisut atia: Macrourus berglax
Tuluttut atia: Boreal Grenadier
Sorlernut ilaava: Aalisakkat
Aalisagaqatai: Saarullikkut
Ilaqutai: Imminnguakkut

Imminnguaq avannarleq siammarsimavoq Atlantikup avannarpasissuani Amerika Avannarliup avannaani kangisissumiit Kalaallit Nunaannut, Islandimut aammalu Nordsøp avannarpasissuanut Svalbardimullu. Kalaallit Nunaata eqqaani uumasuuvoq kangerlunni itisuuni imaluunniit Kalaallit Nunaata kitaani sineriak sinerlugu Diskop kujataanut aammalu Tunumi Ammassallup kujataanut.

Ilisarnaatai
Imminnguaq avannarleq imminnguatut naatsumik timeqarpoq, takisuumik nuuminut amiliartortumik paperoqarluni, niaqorujussuaqarluni, iserujussuaqarluni qimerlumminilu avaleraasaa siorleq pilattuutaasaalluni. Umiusaali angineruvoq, qimerluani avaleraasaata aappaa portunerusoq itia sioqqutilaarlugu aallartilluni.

Nerisai
Nerisarai peqqukujuit, aalisakkat minnerusut, siuteqqut, uillut, immap qullugiai kapinartunillu amillit.

Nordlig skolæst - Macrourus berglax - Boreal Grenadier
Paasissutissat
  • Uumaffii: Imaq
  • Takissusia: 110 cm tikillugu
  • Oqimaassusia: ?
  • Suai: 15.000-20.000
  • Suffisarpoq: aasakkut
  • Sivisunerpaamik uumasarpoq: ukiut 25 miss.
Nalunngiliuk?
100-3.000 meterit tikillugit itissusilimmi uumasuuvoq, aqitsumik natilimmi imaluunniit immap naqqanut qanittumi ikerinnarsiortuulluni.