Imminnquaq (Tupissut)

Qallunaatut atia: Almindelig skolæst
Latiinerisut atia: Coryphaenoides rupestris
Tuluttut atia: Roundnose Grenadier
Sorlernut ilaava: Aalisakkat
Aalisagaqatai: Saarullikkut
Ilaqutai: Imminnguakkut

Imminnguaq Davis Strædep Danmarksstrædellu kujasissuanni siammarsimavoq. Nalinginnaasumik uumasuuvoq immap qaffasinnerusortaani imaluunniit 100-2200 meterinik itissusilimmi aqitsumik natilimmi.

Ilisarnaatai
Timaa naatsuuvoq niaqorujussuaqarluni, paperua takisooq nuuminut amiliartortoq. Angisuunik iseqarpoq, qania masiisalu ammaneri qernertuullutik mikisunnguamik umiisaqarluni. Qimerluani avaleraasaa tunorleq pukkitsuararsuaq itiata kingornatungaanut atavoq. Qimerluani avaleraasaata siorliup kapinartui pilattuutaasaapput.

Nerisai
Nerisarai peqqukujuit, soorlu raajat kinguillu aammalu aalisakkat amikullu.

Almindelig skolæst - Coryphaenoides rupestris - Roundnose Grenadier
Paasissutissat
  • Uumaffii: Imaq
  • Takissusia: 150 cm tikillugu, nalinginnaasumilli 90-110 cm tikiinnarlugu
  • Oqimaassusia: 1,5-2 kg tikillugu
  • Suai: 35.000 tikillugit
  • Suffisarpoq: upernaakkut-ukiakkut
  • Arnavissat taamaallaat ukioq allortarlugu suffisarput
  • Sivisunerpaamik uumasarpoq: ukiut 54 miss.
Nalunngiliuk?
Imminnguup paperua takisooq nuuminut amiliartortoq qajannartuugami pisarineqaraangami napisinnaasarpoq.