Issittup allernaa

Grønlandsk navn: Arktisk rokke
Latiinerisut atia: Raja hyperborea
Tuluttut atia: Arctic Skate
Sorlernut ilaava: Aalisakkat
Aalisagaqatai: Allernat
Ilaqutai: Rajidae

Issittup allernaa immap natermiuuvoq uumaffigalugit Kalaallit Nunaata kitaata avannaani Tunullu kujasissuani immat, Norskehavet aammalu Canadami Baffin Bugt. Nalinginnaasumik 200-2.500 meterinik itissusilimmiittarpoq imaq 0 gradi miss. kissassusilik najorumanerusarlugu.

Ilisarnaatai
Naatsumik paperoqarpoq timaa saattukujuulluni, qutummigut anguutai angisuut niaquanut ataannartuullutik. Qaava qasertoq kajuartuuvoq, ataa qaqorujuttuulluni taartunik milalik. Qaamigut akuttusuunik kapinartoqarpoq qimerlummigut 22-32-nik siuleriiaanik kapinartoqarluni.

Nerisai
Nerisarai immap natermiut mikinerusut immallu natermiut allat assigiinngitsut, soorlu peqqukujuit.

Arktisk rokke - Raja hyperborea - Arctic Skate
Paasissutissat
  • Uumaffii: Imaq
  • Takissusia: 80-100 cm
  • Oqimaassusia: 10 kg tikillugu
Nalunngiliuk?
Issittup allernaata suaasa puui 10 cm miss. takissusillit 6-7 cm-inik silissuseqarput. Suaasa puui teqeqqumikkut takisuumik nassuusaqarput manissuullutik. Piarai puuminniit anillakkaangamik 15-16 cm-inik takissuseqartarput.