Ivik

Qallunaatut atia: Almindelig slimål
Latiinerisut atia: Myxine glutinosa
Tuluttut atia: Common Hagfish
Sorlernut ilaava: Aalisakkat
Aalisagaqatai: Iviit (slimål)
Ilaqutai: Slimål

Iviit Kalaallit Nunaata kitaata kujataani siammarsimapput. Immap natermiuupput amerlasuukkuutaarlutik 20-1200 meterinik itissusilimmiuullutik. Immap naqqani aqitsumiinnerusarpoq marraq niggukujuusoq assallugu. Siammarsimavoq Ruslandip avannarpasissuaniit Afrikap avannaanut, Islandip kujasissuanut Amerika Avannarliullu avataanut.

Ilisarnaatai
Ivik nalinginnaasoq nimerissatut iluseqarpoq timaa niggulerujussuulluni. Naavini sulluararpassuarniit niggoq aniasarpoq. Qalipaataa allanngorartuuvoq apeqqutaalluni immap naqqa qanoq ittuunersoq, ilaatigullu milaqarsinnaasarpoq. Qanermi eqqaatigut sisamanik umiisaqarpoq.

Nerisai
Naamassutini pitsaviit sakkugalugit nerisassarsiortarpoq. Nerisarai aalisakkat toqungasut toqunngujoortulluunniit aammalu peqqukujuit sangujaallu.

Almindelig slimål - Myxine glutinosa - Common Hagfish
Paasissutissat
  • Uumaffii: Imaq
  • Takissusia: 80 cm tikillugu
  • Suai: 20-30
  • Suffisarpoq: ukioq kaajallallugu
Nalunngiliuk?
Iviup oqaa maniilakulattoq kiguteqarpoq aalisakkanik toqungasunik toqunngujoortunilluunniit kiisissutigisartagaanik. Taamaattumik ivik aalisarnermut ajoqutaasinnaavoq aalisakkat qassutiniittut saassullugillu nerisaramigit. Inuunermi ingerlanerani suiaassutsini allanngortissinnaavaa.