Qallunaatut atia: Trepigget hundestejle
Latiinerisut atia: Gasterosteus aculeatus
Tuluttut atia: Three-spined Stickleback
Sorlernut ilaava: Aalisakkat
Aalisagaqatai: Kakilisaat
Ilaqutai: Kakilisakkut

Kakilisak taanna pingasunik kapinartulik nalinginnaavoq, Kitaani avannamut Upernavik tikillugu Tunumilu Ittoqqortoormiit tikillugit uumasuulluni. Sineriak sinerlugu immami (tarajornitsumi) aammalu tarajornilaartumi kiisalu tatsini kuunnilu uumasuuvoq. Ilaat inuunertik naallugu imermi tarajuunngitsormiuupput allat imermi tarajuungitsumi taamaallaat suffisarlutik.

Ilisarnaatai
Kakilisak nalinginnaasumik qimerlummi siornatigut naaminilu ataatsimik kapinartoqarpoq. Timaa qeratasuunik tattaasanik qallersimasoq qorsorpaluttuuvoq naavi sølvitungajak qillertuullutik. Suffinermi nalaani angutivissap naavi aappaluttuunngikkunik tungujortuusarput.

Nerisai
Nerisarai peqquaraaqqat dafniat, sullerngit imarmiut, aalisakkat piaraat, peqqukkut suaallu.

Trepigget hundestejle - Gasterosteus aculeatus - Three-spined stickleback
Paasissutissat
  • Uumaffii: Imaq
  • Takissusia: 8-11 cm (imaaniittut annerusarput)
  • Oqimaassusia: 10-15 g
  • Suai: 100-400
  • Suffisarpoq: marsi-juuni
  • Kinguaassiorsinnaalersarpoq miss. ataatsimik ukioqaleraangami
  • Sivisunerpaamik uumasarpoq: ukiut 3-4
Nalunngiliuk?
Kakilisat angutiviaat ulluliortarput, arnavissat arlaqarsinnaasut ulluliaminnut ussassaartarlugit. Tassani arnavissat suffigaangata angutivissap suaat immutsertarpai. Angutivissap suani angutivissanut inersimasunut allanut peqqarniilluni illersortarpai.