Qallunaatut atia: Almindelig ulk
Latiinerisut atia: Myoxocephalus scorpius
Tuluttut atia: Shorthorn Sculpin
Sorlernut ilaava: Aalisakkat
Aalisagaqatai: Kanassukkut
Ilaqutai: Kanassut

Kanajoq Kalaallit Nunaanni nalinginnaavoq, uumasuulluni ikkattumi 200 meterit tikillugit itissusilimmi sioqqanik, marullummik ujaqqanilluunniit natilimmi. Siammarsimavoq Kalaallit Nunaata kitaani avannamut Inglefield Land aamma Peary Land Tunulu tikillugu. Kalaallit Nunaanni nerineqartarpoq.

Ilisarnaatai
Kanajoq niaqorujussuaqarpoq qanerujussuaqarluni aammalu kapinartoqarluni. Sulussugutaasa nuui kapinartuupput. Ataatungaa qaamasuuvoq, qalipaataali assigiinngiiarsinnaalluni. Nuliunermik nalaani angutivissap naavi aappillertarput.

Nerisai
Suut tamaasa nerisarpai, annerusumilli peqqukujuit, aalisakkat aammalu aalisakkat suaat piaraallu.

Almindelig ulk - Myoxocephalus scorpius - Shorthorn Sculpin
Paasissutissat
  • Uumaffii: Imaq
  • Takissusia: 60 cm tikillugu
  • Oqimaassusia: ?
  • Suai: 2.500-3.000 tikillugit
  • Suffisarpoq: ukiukkut-upernaakkut
  • Kinguaassiorsinnaalersarpoq 2-3-nik ukioqaleraangami
Nalunngiliuk?
Kanajoq nuliusarpoq ukiukkut. Nuliunermini angutivissap arnaviaq najummisarpaa. Taava arnavissap suani ikkattumi immap naqqanut tiggusimasunngorlugit ilisarpai. Angutivissap suaat paarisarpai sapaatip-akunneri 5 missiliorlugit qaangiunneranni tukernissaasa tungaanut.