Qallunaatut atia: Tornulk
Latiinerisut atia: Icelus bicornis
Tuluttut atia: Twohorn Sculpin
Sorlernut ilaava: Aalisakkat
Aalisagaqatai: Kanassukkut
Ilaqutai: Kanassut

Kanajoq kapinartulik uumasuuvoq issittumi Atlantikullu avannaani Beringsstrædemiit Newfoundlandimut, Islandip eqqaani Kalaallit Nunaatalu sineriaani tamangajammi aammalu Barentshavemiit Norgep kimmut sineriaa sinerlugu Skagerakimut siammarsimalluni. Immap natermiuuvoq 560 meterit tikillugit itissusilimmi.

Ilisarnaatai
Kanassup taassuma ilisarnaatigai masimmi matuani kapinartua qulleq qummut sammisoq marloqiusaammat.Timaata siornatungaa portusuujuvoq niaqua portusuujulluni aammalu kapinartoqarluni saneqqamigut marluk sanileriiaanik qimerlummi avaleraasaata aallartiffiani ataatsimik.

Nerisai
Nerisarai immap natermiui, soorlu peqquit, sangujaat aalisagaaqqallu.

Tornulk (Alm.) - Icelus bicornis - Twohorn Sculpin
Paasissutissat
  • Uumaffii: Imaq
  • Takissusia: 16 cm tikillugu
  • Arnaviaq anneruvoq
  • Suai: 150-1.300
  • Suffisarpoq: ukiakkut (aggusti-oktobari)
Nalunngiliuk?
Kanajoq kapinartullip suai iluani kinguaassaqalersinneqartarput angutivissamit, takisuumik nuuminut amiliartortumik usulimmit. Suffiffiup nalaani angutivissap naavi aappillertarput.