Qallunaatut atia: Skællaks
Latiinerisut atia: Salmo salar
Tuluttut atia: Atlantic Salmon
Sorlernut ilaava: Aalisakkat
Aalisagaqatai: Kapisillit
Ilaqutai: Kapisilikkut

Kapisilik imaluunniit Atlantikup kapisilia angalaartuuvoq immap qaffasinnerusormiu. Kalaallit Nunaanni Nuup Kangerluata qinnguani Kapisillit kuuanni amerlanngitsut suffisarput. Tamatuma saniatigut kapisillit Amerika Avannarlermiut Europamiullu Kalaallit Nunaata kitaani Uummannaq tikillugu Tunumilu Ammassalik tikillugu takkusimasarput.

Ilisarnaatai
Kapisillip timaa sølvitut qillertuuvoq, angisuunik tattaqarpoq akuttusuunillu qernertunik X-itut ilusilinnik milaqarluni. Kapisillit imermut tarajoqanngitsunut majoraangamik qalipaataa allanngortarpoq, angutivissat allerui peqingasunngorlutik. Kapisilik qimerlummigut avaleraasami papeqqumilu akornanni mikisumik pissiguteqarpoq.

Nerisai
Imermi tarajuunngitsumiilluni nerisarai uumasut qituttut, peqqukkut sullerngillu. Imaaniitilluni aalisakkat amikullu nerisarineruai.

Atlantisk laks (Skællaks) - Salmo salar - Atlantic Salmon
Paasissutissat
  • Uumaffii: Imaq
  • Takissusia: Inersimasut nalinginnaasumik 50-100 cm, qaqutigoortumik 120 cm tikillugit
  • Oqimaassusia: Nalinginnaasumik 3-10 kg
  • Suai: 8.000-25.000
  • Suffisarpoq: juuni-novembari
  • Sivisunerpaamik uumasarpoq: ukiut 10
Nalunngiliuk?
Kapisilik imermi (tarajuunngitsumi) suffisarpoq, piaraali 1-6-nik ukioqaleraangamik imaanukartarput. Ikittuinnaat inuunertik tamaat imermi tarajoqanngitsumiittarput. Kapisillit ukiut 1-3 imaaneereeraangamik suffisinnaanngorlutik kuunnut majoqqittarput suffiartorlutik. Amerlasuulli suffereeraangamik toqusarput.