Kukilik taartoq

Qallunaatut atia: Fabricius’ sorthaj
Latiinerisut atia: Centroscyllium fabricii
Tuluttut atia: Black Dogfish
Sorlernut ilaava: Aalisakkat
Aalisagaqatai: Eqalussuit kukillit
Ilaqutai: Etmopteridae

Eqalussuaq taanna uumasuuvoq Canadap kangimut sineriaani, Kalaallit Nunaata kujasissuani Islandillu eqqaani kujammut Irlandi tikillugu aammalu Norgep kujasissuani. Kalaallit Nunaata eqqaani 500-1300 meterit tikillugit itissusilimmiuuvoq, immap naqqa tikingajallugu ikerinnarmiluunniit.

Ilisarnaatai
Kajortoq taartuuvoq qernertuulluniluunniit qimerlummigut avaleraasaasa marluusut siornatungaat kapinartuullutik. Angisuunik tumaasaasanik iseqarpoq qutummigut anguutai naatsukullaallutik. Kigutai 3-5-nik nooqarput.

Nerisai
Nerisarai aalisakkat, amikut peqquillu.

Fabricius' sorthaj - Centroscyllium fabricii - Black Dogfish
Paasissutissat
  • Uumaffii: Imaq
  • Takissusia: 1 meter tikillugu, nalinginnaasumilli 60-80 cm miss.
  • Uumasunik piaqqisarpoq
  • Ukioq kaajallallugu nuliusarpoq
Nalunngiliuk?