Qallunaatut atia: Kuller
Latiinerisut atia: Melanogrammus aeglefinus
Tuluttut atia: Haddock
Sorlernut ilaava: Aalisakkat
Aalisagaqatai: Saarullikkut
Ilaqutai: saarulliit

Misaqqarnaq Kalaallit Nunaata imartaani suffineq ajorpoq, Islandimiilli immap sarfaanik Kitaata kujataanut piarai sarfaanneqartarlutik. Immap natermiuuvoq 10-450 meterinik itissusilimmiuulluni. Immap naqqa aqitsoq 4-10 gradinik kissassusilik najorumaneruaa.

Ilisarnaatai
Misaqqarnaq kajortoq qaserujuttuuvoq naavi sølvitungajak qasertut, saneraani titarnera taartuuvoq qutummigut anguutimi qulaatigut qernarissumik milaqarluni. Qimerlummigut anguutaa siulleq portusuujuvoq inngigissoq, isai angisuujullutik. Mikisunnguamik umiisaqarpoq, immap naqqani nerisassarsioraangami atortakkaminik. Qanikitsuuvoq, kiguserfii qulliit siuarsimasuullutik.

Nerisai
Nerisarai immap qullugiai, qituttullit, maniilakulattunik amillit, peqquit, aalisakkat suai aalisakkallu.

Kuller - Melanogrammus aeglefinus - Haddock
Paasissutissat
  • Uumaffii: Imaq
  • Takissusia: 100 cm tikillugu
  • Oqimaassusia: 15 kg tikillugu
  • Suai: 1.800.000 tikillugit
  • Suffisarpoq: marsi-juuni
  • Kinguaassiorsinnaalersarpoq 3-10-nik ukioqaleraangami
Nalunngiliuk?
Misaqqarnaq 50-150 meterinik itissusilimmi suffisarpoq. Suai immutserneqareeraangamik immap qaavanut qaffakaasarput sapaatip-akunnerilu 1-3 qaangiukkaangata tukertarlutik. Piarai 5-10 cm-inik takissuseqalernissamik tungaanut puttallutik sarfaatiterujoortarput, tamatumalu kingorna appartertarlutik.