Najorpaligaq

Qallunaatut atia: Blå havkat (Bredpandet havkat)
Latiinerisut atia: Anarhichas denticulatus
Tuluttut atia: Jelly Cat
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Qeeqqakkut

Najorpaligaq qallunaatut taaneqartartoq Blå havkat aamma Bredpandet havkat immap naqqani marullummi aqitsormiuuvoq 60-900 meterinik itissusilimmi. Kalaallit Nunaanni avannamut Upernaviup kujasissuani Ammassallullu eqqaani nalinginnaavoq.

Ilisarnaatai
Timaa ammalortuuvoq iluserluttoq taamaaqatiminut marlunnut naleqqiullugu. Tungujortoq qerningajattuuvoq ersernerluttunik milalik, qilaami tunuatungaatigut sequtserutiminik pingasukkuutaanik kiguteqarpoq, qiterleq naannerulluni. Nerpia sarajattuuvoq.

Nerisai
Nerisarai nuarluit, qituttullit, maniilakulattunik amillit, peqquit, siuteqqut aalisagaaqqallu.

Blå havkat (Bredpandet havkat) - Anarhichas denticulatus - Jelly Cat
Paasissutissat
  • Uumaffii: Imaq
  • Takissusia: 140 cm tikillugu
  • Oqimaassusia: 20 kg tikillugu
  • Suai 23.000-30.000
  • Suffisarpoq: ukiukkut
Nalunngiliuk?
Najorpaligaq uumasuuvortaaq Newfoundlandip, Islandip Savalimmiullu eqqaanni, Hvidehavimi, Norgep kimmut sineriaani Nordsøllu avannarpasissuani.