Qallunaatut atia: Helleflynder
Latiinerisut atia: Reinhartius hippoglossoides
Tuluttut atia: Greenland Halibut; Turbot
Sorlernut ilaava: Aalisakkat
Aalisagaqatai: Aalisakkat natermiut talerpiatungaat qalliullutik iseqarfillit
Ilaqutai: Oquuttakkut

Nataarnaq Kalaallit Nunaanni Upernaviup Ammassallullu kujataanni uumasuuvoq. 50-200 meterinik itissusilimmiuuvoq ikerinnarmi immallu naqqani nerisassarsiortarluni. Aalisapilunneqartarnini pissutigalugu qangatut Kalaallit Nunaanni nalinginnaavallaarunnaarsimavoq.

Ilisarnaatai
Nataarnaq immap natermiuuvoq talerpiatungaa qalliulluni iseqarfilik. Isaasa nalaat kajortoq taartuuvoq imaluunniit qorsorpaluttuulluni akuttusuunik milalik. Illuatungaa (iseqarfiginngisaa) qaqortuuvoq qasertunilluunniit milaqarluni. Saneraani titarnera qutummigut anguutaata qulaatigut qaarajunneqarpoq.

Nerisai
Nerisarai aalisakkat allat, soorlu saarulliit, suluppaakkat, misaqqarnat, ammassassuit peqquillu aammalu amikut.

Helleflynder - Hippoglossus hippoglossus - Atlantic halibut
Paasissutissat
  • Uumaffii: Imaq
  • Takissusia: 350 cm tikillugu
  • Oqimaassusia: 300 kg tikillugu
  • Arnaviaq angineruvoq
  • Suai: 3.500.000 tikillugit
  • Suffisarpoq: decembari-apriili
  • Kinguaassiorsinnaalersarpoq 7-18-nik ukioqaleraangami
  • Sivisunerpaamik uumasarpoq: ukiut 50
Nalunngiliuk?
Nataarnaq suffisarpoq immap naqqani 300-1.000 meterinik itissusilimmi. Suai sarfaatitittartuupput. Piarai immap ikerinnarsiortuupput 35 mm tikillugit takissuseqalernissartik tikillugu. 5-7 cm-inik takissuseqaleraangamik aalisakkatut natermiutut isikkoqalersarput.