Nimeriaq

Qallunaatut atia: Amerikansk ål
Latiinerisut atia: Anguilla rostrata
Tuluttut atia: American Eel
Sorlernut ilaava: Aalisakkat
Aalisagaqatai: Nimerissat
Ilaqutai: Nimerissat imermiut

Nimeriaq Amerika Avannarliup kangimut sineriaa sinerlugu Floridamiit Labradorimut uumasuuvoq. Kalaallit Nunaata kitaata kujataani aamma siumorneqartarput, qaqutigoortumilli, amerlanngitsuullutillu. Nimeriaq immami tarajuusumi suffisarpoq, nalinginnaasumilli imermi tarajuunngitsumi tarajornilaartumiluunniit uumasuulluni.

Ilisarnaatai
Nimeriaq aalisagaavoq takisooq pulateriaarsummut assingusoq, niaqua siumut amiliartortoq qimerluani avaleraasai itiatalu kingornani avalerai ataannartuullutik. Nimerissap tunua qernertoq kajuartuuvoq naavi sungarpaluttut qaqortuullutik.

Nerisai
Nimerissap nerisarai aalisakkat, sullerngit qullugiaat, isituuaqqat suaallu, uumasuaqqat assigiinngitsut aammalu aalisakkat toqungasut. Nimeriaq unnuami nerisassarsiortarpoq.

Amerikansk ål (ferskvandsål) - Anguilla rostrata - American Eel
Paasissutissat
  • Uumaffii: Imaq
  • Takissusia: 125 cm tikillugu
  • Oqimaassusia: 4 kg tikillugu
  • Suai: 4 millionit tikillugit
  • (Suffisarpoq: ukiakkut)
Nalunngiliuk?
Nimeriaq immami itisuumi suffisarpoq. Arnaviaq 4 millionit tikillugit suaqarsinnaavoq, suffereeraangamili toqusarluni. Suai sapaatip-akunneri 9-10 qaangiukkaangata tukertarput, tukerlaallu piffissami siullermi sarfaatiterusaartarput.