Nimeriarnaq naakkaaq

Qallunaatut atia: Halvnøgen ålebrosme
Latiinerisut atia: Lycodes seminudus
Tuluttut atia: Longear Eelpout
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Ålekvabbekkut

Nimeriarnaq naakkaaq 130-1400 meterinik itissusilimmiuuvoq Kalaallit Nunaata kitaani tamarmi, Tunumili sumiiffinni ataasiakkaaginnarmiuulluni. Immap naqqani marulluusumi 0 gradit missiliorlugit kissassusilimmiuuvoq.

Ilisarnaatai
Naatsumik paperoqarpoq siggui saalimasuullutik, saneqqamigut titarniisaqarluni aammalu qimerluani avaleraasai itiatalu kingornani avalerai ataannartuullutik. Ilisarnaatigai taamaallaat papeqqumigut timimilu ilaannaatigut tattani mikisut. Qasertoq kajuartumiit taartunik qernivissunillu tassiisaqarpoq.

Nerisai
Nerisarai aalisakkat, immap qullugiai peqquillu.

Halvnøgen ålebrosme - Lycodes seminudus - Longear Eelpout
Paasissutissat
  • Uumaffii: Imaq
  • Takissusia: 52 cm tikillugu
  • Suai: 300 miss.
  • Suffisarpoq: juuni-juuli
Nalunngiliuk?
Nimeriarnaq naakkaaq aamma uumasuuvoq Baffin Bugtimi Canadallu avannarpasissuani Ellesmere Islandip eqqaani kiisalu Norskehavimi, Barentshavimi Karahavimilu.