Nimeriarnaq oriaaq

Qallunaatut atia: Dobbeltliniet ålebrosme
Latiinerisut atia: Lycodes eudipleurostictus
Tuluttut atia: Doubleline Eelpout
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Ålekvabbekkut

Nimeriarnaq oriaaq uumasuuvoq Kalaallit Nunaata kitaani kangerlunni Kitaatalu sineriaa sinerlugu, Davis Strædemi Baffin Bugtimilu, kiisalu Tunup avannaani Kejser Franz Joseph Fjordimi. Immap naqqani marullummi 250-900 meterinik itissusilimmi, 0 gradinik ataalluguluunniit kissassusilimmiuuvoq.

Ilisarnaatai
Nimeriarnaq oriaaq takisuumik paperoqarpoq sanimukaartunik qaamanersalimmik, timaa tamarmi tattaqarluni. Ilisarnaqutigai saneqqamigut titarniisat marluk. Qutummigut anguutaasa qiterliit saanertai avallerniit minnerupput.

Nerisai
Nerisarai immap naqqani uumasut, pingaartumik peqqukkut, pølseorme aamma nerpissuut.

Dobbeltliniet ålebrosme - Lycodes eudipleurostictus - Doubleline Eelpout
Paasissutissat
  • Uumaffii: Imaq
  • Takissusia: 45 cm tikillugu
  • Suai: 123-260
  • Suffisarpoq: ukiakkut
Nalunngiliuk?
Nimeriarnaq oriaaq aamma uumasuuvoq Norskehavemi Barentshavillu avannaani kippasissumi.