Qallunaatut atia: Almindelig stenbider
Latiinerisut atia: Cyclopterus lumpus
Tuluttut atia: Lumpsucker; Lumpfish
Sorlernut ilaava: Aalisakkat
Aalisagaqatai: Kanassukkut
Ilaqutai: Nipisakkut

Nipisa Kalaallit Nunaanni nalinginnaavoq Uummannap Ammassalillu kujataani uumasuulluni. Najorumanerusarpaa immap naqqa manngertoq ujarattalik, suffinermi avataatigut itisuumi ikerinnarmiittarluni.

Ilisarnaatai
Arnarluk qasertoq taartuuvoq imaluunniit qorsorpaluttuulluni naavi qaamasut, angusalluk qasertoq kajuartuuvoq naavi qaqortuullutik, suffiffiup nalaani aappaluttunngortarlutik. Nipisap qatigaa portusuujuvoq, timaa naatsukullak arfineq-marlunnik sanileriiaanik kapinartunik unnguusaqarpoq. Naavini anguutaa millugutinngorsimavoq, avaleraasaatalu siorliup qerattaqqutai nataqqoqartuullutik.

Nerisai
Nerisarai uumasuaqqat tappiorannartut, aalisagaaqqat, aalisakkat piaraat, nuarluit, immap qullugiai peqquaqqallu.

Almindelig stenbider - Cyclopterus lumpus - Lumpsucker;  Lumpfish
Paasissutissat
  • Uumaffii: Imaq
  • Takissusia (angusalluk): 40 cm tikillugu
  • Takissusia (arnarluk): 70 cm tikillugu
  • Oqimaassusia: 5 kg pallillugu
  • Suai: 100.000-350.000 miss.
  • Suffisarpoq: januaari-maaji
Nalunngiliuk?
Nipisa suffisarpoq ikkattumi, arnarluup suani aappaluttut sungarpaluttut ujaqqanut qeqqussanulluunniit tiggusimasunngorlugit nipputitittarpai. Taava angusalluup suaat nakkutigilersarpai sapaatip-akunnerisa 7-8 qaangiunneranni tukernissaasa tungaannut. Suai kaviaritut tuniniarneqartarput.