Qallunaatut atia: Pigget stenbider
Latiinerisut atia: Eumicrotremus spinosus
Tuluttut atia: Atlantic Spiny Lumpsucker
Sorlernut ilaava: Aalisakkat
Aalisagaqatai: Kanassukkut
Ilaqutai: Nipisat

Nipisarluk uumasuuvoq immap naqqani qaarsulimmi ujaralimmiluunniit 50-400 meterinik itissusilimmi 0 gradi Celcius missiliorlugit kissassusilimmi. Kalaallit Nunaata kitaa tamakkerlugu Tunumilu avannamut Danmarkshavn tikillugu uumasuuvoq.

Ilisarnaatai
Nipisarluk angisuumik niaqoqarpoq naatsumik timeqarluni saanernik inngigissunik unnguusaqarluni. Qutummigut anguutai manngumikkut aamma unnguusaqarput. Naavini anguutai millugutinngorsimapput, qalipaataa kajortoq qorsorpaluttuulluni.

Nerisai
Nerisarai peqqukujuit, soorlu kinguit uumasuaqqallu allat.

Pigget stenbider - Eumicrotremus spinosus - Atlantic Spiny Lumpsucker
Paasissutissat
  • Uumaffii: Imaq
  • Takissusia: 13 cm tikillugu
  • Suffisarpoq: ukiakkut
Nalunngiliuk?
Nipisarluk aamma uumasuuvoq Barentshavimi, Canadap issittortaani aamma St. Lawrencep kangerliumarnani.