Oquutaq

Qallunaatut atia: Håising
Latiinerisut atia: Hippoglossoides platessoides
Tuluttut atia: Long-rough Dab
Sorlernut ilaava: Aalisakkat
Aalisagaqatai: Aalisakkat natermiut talerpiatungaat qalliullutik iseqarfillit
Ilaqutai: Oquuttakkut

Oquutaq nalinginnaavoq Kalaallit Nunaata kitaata kujataani Tunullu kujasissuani, avannamut Upernavik aamma Kong Oscar Fjord tikillugit. Imaani aqitsumik natilimmi 10-400 meterit tikillugit itissusilimmiuuvoq. Islandip eqqaani, Europap avannaata kippasissuani Labradorimi, New Foundlandimilu aamma nalinginnaavoq.

Ilisarnaatai
Oquutaq immap natermiuuvoq talerpiatungaa qalliulluni iseqarfilik, tassa imaappoq isaa saamerleq talerpiatungaanut killinganiilluni. Talerpiatungaa imaluunniit iseqarfia aappaluttoq kajuartuuvoq imaluunniit qasertuulluni, illuatungaa isitaqanngitsoq qaqortuulluni. Angisuunik maniilakulattunik tattaqarpoq anngajaamik qaneqarluni.

Nerisai
Nerisarai eqqusat, nerpissuut, immap qullugiai, qituttullit, peqquit, aalisakkat piaraat aalisagaaqqallu.

Håising - Hippoglossoides platessoides - Long-rough Dab
Paasissutissat
  • Uumaffii: Imaq
  • Takissusia: 50 cm tikillugu
  • Oqimaassusia: 3 kg tikillugu
  • Arnaviaq anneruvoq
  • Suai: 50.000-370.000
  • Suffisarpoq: upernaakkut
  • Sivisunerpaamik uumasarpoq: ukiut 30
Nalunngiliuk?
Oquutaq siaruarsimaffimmini nalinginnaavoq ilaatigut nerineqartarluni makkunannga: saarullinnit, nataarnanit, qussaannakkunnit eqalussuillu nuliaannit. Aalisarnermi pingaaruteqarpianngilaq taamaallaat suliffissuarni nerisassiassaanngitsutut suliarineqartarluni, tassa nerpia imertaqaqimmat.