Qallunaatut atia: Havtobis
Latiinerisut atia: Ammodytes marinus
Tuluttut atia: Sandeel
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Putooruttukkut

Putooruttut siammarsimapput Barents- aamma Hvidehavemiit Tuluit Qeqertaannut aammalu Islandimut, Kalaallit Nunaata kitaata kujataanut Tunullu kujasissuanut. Uumasuuvoq 10-150 meterinik itissusilimmi sakkortummik sarfartuni aammalu sioqqanik ujaraaqqanillu natilinni. Suliffissuarni nioqqutissiatut pingaaruteqarpoq.

Ilisarnaatai
Putooruttut aalisagaapput takisuut amitsukujuut allerui siusissut kiguserfii qulliit siumoorsinnaasut. Sølvitungajak qaqortuuvoq qimerlua tungujortoq qorsorpaluttuulluni aammalu qimerluani avaleraasai itimilu kingornagut avaleraasai takisuujullutik. Papeqqumi kangiatigut tattaqanngilaq, naamigut anguuteqarani.

Nerisai
Nerisarai uumasut tappiorannartut aammalu peqquaqqat aalisakkallu piaraat.

Havtobis - Ammodytes marinus - Sandeel
Paasissutissat
  • Uumaffii: Imaq
  • Takissusia: 25 cm tikillugu (Kalaallit Nunaannili 16 cm tikiinnarlugu)
  • Qiteralii: 65-75
  • Suai: 3.800-25.000
  • Suffisarpoq: novembari-februaari
  • Kinguaassiorsinnaalersarpoq 1-2-nik ukioqaleraangami
  • Sivisunerpaamik uumasarpoq: ukiut 10
Nalunngiliuk?
Putooruttukkut amerlasoorsuakkuutaarlutik ikerinnarmi nerisassarsiortarput, piffissalli ilarujussua immap naqqani assaassimasarlutik. Pingaartumik unnuami assaassimasarput. Ukiukkut piffissap ilarujussua aamma assaassimasarput, taamaallaallu saqqummertarlutik imaani nerisassaqarlualeraangamik.