Qallunaatut atia: Nordlig tobis
Latiinerisut atia: Ammodytes dubius
Tuluttut atia: Northern Sand Lance
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Putooruttukkut

Putooruttoq avannarleq siammarsimavoq Canadap issittortaani aammalu Kalaallit Nunaata kitaani avannamut Uummannaq tikillugu. 20-100 meterit tikillugit itissusilimmiuuvoq Kalaallit Nunaata eqqaani ikkannersuarni aalisarfinni amerlasoorsuugajullutik. Immap naqqani assaalluni aammalu ikerinnarmi uumasuupput.

Ilisarnaatai
Putooruttoq avannarleq aalisagaavoq amitsukujooq allerui siusissut, siumoortinneqarsinnaasut, naamigut anguuteqanngilaq, takisuumik sulussuguteqarpoq qimerlummigut itimilu kingornagut, paperua quppaasaqarpoq.

Nerisai
Nerisarai uumasuaqqat tappiorannartut, aalisakkat piaraat suaallu.

Nordlig tobis - Ammodytes dubius - Northern Sand Lance
Paasissutissat
  • Uumaffii: Imaq
  • Takissusia: 24 cm tikillugu
  • Qiteralii: 73-78
  • Suffisarpoq: novembari-februaari
Nalunngiliuk?
Putooruttut avannarliit putooruttoqataaniit Havtobisimiit Kalaallit Nunaata eqqaani amerlanerujussuupput, saarullinnit kapisilinnillu Kalaallit Nunaatalu eqqaani aalisakkanit allanit nerisarineqarluarlutik.