Qallunaatut atia: Stribet havkat
Latiinerisut atia: Anarhichas lupus
Tuluttut atia: Atlantic Catfish; Wolf-fish
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Qeeqqakkut

Qeeraaraq imaluunniit qeeraq nalinginnaasoq Kalaallit Nunaata kitaata kujataani avannamut Disko tikillugu Tunullu avannaani Ammassalik tikillugu nalinginnaasuuvoq. Immap natermiuuvoq 20 meteriniit 400-500 meterit tikillugit itissusilimmi ujaralimmiuulluni.

Ilisarnaatai
Qeeraaraq qajannaatsunik alleroqarpoq niaqorujussuaqarluni siggui ammalungajallutik. Qasertoq tungujuartuuvoq 10-15-nik taartunik nimeruaasaqarluni, naavi qaamasuullutik. Sequtserutinik pingasut tunuleriinnik kiguteqarpoq, qiterliit tannerullutik.

Nerisai
Nerisarai uillut, siuteqqut, eqqusat peqquillu.

Stribet havkat - Anarhichas lupus - Atlantic Catfish; Wolf-fish
Paasissutissat
  • Uumaffii: Imaq
  • Takissusia: 130 cm tikillugu
  • Oqimaassusia: 24 kg tikillugu
  • Suai: 3.000-25.000
  • Suffisarpoq: oktobari-februaari
  • Kinguaassiorsinnaalersarpoq 6-7-nik ukioqaleraangami
  • Sivisunerpaamik uumasarpoq: ukiut 14
Nalunngiliuk?
Qeeraaraq aalisagaavoq pingaarutilik mamartorlu, tuniniarneqartarluni niaquerlugu taaguuserlugu “koteletfisk”, “rock salmon” aamma “bonadenfisch”. Europami ukiumut 25.000 tonsit miss. pisarineqartarput.