Qeeraq (Kigutilik)

Qallunaatut atia: Plettet havkat
Latiinerisut atia: Anarhichas minor
Tuluttut atia: Spotted Catfish
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Qeeqqakkut

Qeeraq Kalaallit Nunaata kujasissuani avannamut Upernavik tikillugu Tunumilu Ammassalik tikillugu uumasuuvoq. 500-600 meterinik itissusilimmi immap naqqani marullulimmi sioralimmiluunniit uumasuuvoq kangerlunniikkajulluni.

Ilisarnaatai
Qeeraq sungarpaluttoq kajortuuvoq, timimigut, niaqqumigut qimerlumminilu avaleraasamigut milalik. Naavi qaamasuupput. Amitsukujuujuvoq angisuumik niaqulik aammalu qimerlummigut takisuumik avaleraasalik itimilu kingornani takisuumik avaleraasalik. Qeeqqap kigutai sequtserutit tunuleriiaat pingasut takeqqatigiipput.

Nerisai
Nerisarai uillut, eqqusat, peqqukkut siuteqqullu. Tamakkua qaleruaat kigutiminik sequtsertarpai.

Plettet havkat - Anarhichas minor - Spotted Catfish
Paasissutissat
  • Uumaffii: Imaq
  • Takissusia: 145 cm tikillugu
  • Oqimaassusia: 20 kg tikillugu
  • Suai: 50.000 tikillugit
  • Suffisarpoq: upernaakkut
Nalunngiliuk?
Siornatigut qeeqqat amii suliarineqartarput, nioqqutigineqartarlutik “søleopardip” amianik taallugit. Ullumikkut qeeqqat qeeraaqqatulli mamartorsuugamik nerisassiarineqartarput. Kilisalluni aalisarnermi saniatigut pisarineqartarput naleqarluarlutik.