Qivaaqi

Qallunaatut atia: Almindelig paddeulk
Latiinerisut atia: Cottunculus microps
Tuluttut atia: Polar Sculpin
Sorlernut ilaava: Aalisakkat
Aalisagaqatai: Kanassut
Ilaqutai: Issittup kanajui

Qivaaqi Kalaallit Nunaata kitaani Tunullu kujasissuani nalinginnaavoq. Nalinginnaasumik immap naqqani aqitsumik marullulimmi 170-1000 meterinik itissusilimmiuuvoq. Atlantikup avannamut kangisissuani Norgep sineriaa sinerlugu Svalbardimiit Nordsøp Islandillu avannarpasissuani kiisalu Canadap avannamut kangisissuani aamma uumasuuvoq.

Ilisarnaatai
Qivaaqi ataasiinnarmik qimerlummigut avaleraasaqarpoq niaqua silittuulluni, saanertanik erseqqissunik tinupattaqarluni. Qivaaqi tattaqarani amia maniilakulattorujussuuvoq. Qaserujuttuuvoq 3-4-nik silittunik nimeruaqarluni.

Nerisai
Nerisarai immap natermiut, soorlu sangujaat, kinguit peqqukujuillu allat.

Almindelig paddeulk - Cottunculus microps - Polar Sculpin
Paasissutissat
  • Uumaffii: Imaq
  • Takissusia: 30 cm tikillugu
  • Suai: 200-220, 5 mm miss. diameteri
  • Suffisarpoq: aasakkut-ukiakkut
Nalunngiliuk?
Issittup kanajuata timaa amitsukujuujuvoq naraserluit ilaannut haletudsikkunnut eqqaanartoq, taamaattumik qallunaatut taamatut atserneqarsimavoq.