Qallunaatut atia: Almindelig tangspræl
Latiinerisut atia: Pholis gunellus
Tuluttut atia: Lumpsucker; Lumpfish
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Qussaannakkut

Qussaannaq nalinginnaq uumasuuvoq Kalaallit Nunaata kitaata kujataani avannamut Sisimiut tikillugit sinerissamiit 40-110 meterit tikillugit itissusilimmi. Immap natermiuuvoq immap naqqa manngertoq ujarattalik toqqorfissalik najorumanerusarlugu. Sissami qeqqussani aamma masattuniittarpoq.

Ilisarnaatai
Qussaannaq nalinginnaq aalisagaavoq takisooq, amitsukujooq saalimasorlu, qimerlummini avaleraasaata tunngarnani isinut eqqaanartunik taartunik 9-13-inik milaqarpoq sinai qaamasunik. Qimerlummini avaleraasaata itimilu kingornani anguutaa takisuujupput kiisalu naamini anguutai mikisunnguullutik. Qalipaataa kajorujuttuuvoq taartunik qaamasunilluunniit milalik, amialu manissuuvoq.

Nerisai
Nerisarai peqqukujuit, sangujaat immallu natermiut allat mikisut, unnuami pisarisartakkani.

Almindelig tangspræl - Pholis gunellus - Rock Gunnel
Paasissutissat
  • Uumaffii: Imaq
  • Takissusia: 25 cm tikillugu
  • Suai: 80-200
  • Suffisarpoq: novembari-januaari
  • Kinguaassiorsinnaalersarpoq pingasut missaannik ukioqaleraangami 20 cm tikillugit takissuseqarluni.
Nalunngiliuk?
Arnavissap suani tiggusimasunngorlugit ujaqqat ataannut imaluunniit uillut qaleruaannut imaqanngitsunut toqqortarpai. Suai angajoqqaat arlaata marluullutilluunniit nakkutigisarpaat sapaatip-akunneri 4-6 qaangiunneranni tukernissaasa tungaannut. Piaraat qaammatit siulliit 5-6 immap qaffasinnerusortaaniittarput.